بیدر: ریاست کرناٹک حکومت کے وزیر ایشور کھنڈرے بیدر میں کمشنر آفس ہال میں ضلعی گارنٹی اسکیموں کی پہلی میٹنگ سے خطاب کررہے تھے۔انہوں نے کہاکہ گارنٹی اسکیم اتھارٹی کے ارکان کو وقتاً فوقتاً ضلع اور تعلقہ کی سطح پر میٹنگیں کرنی چاہئیں تاکہ یہ یقینی بنایا جا سکے کہ گارنٹی اسکیموں کے فوائد سب تک پہنچیں۔ ضلع کے مختلف دیہاتوں کا دورہ کریں اور اس بارے میں معلومات حاصل کریں کہ آیا گارنٹی سکیمیں تمام لوگوں تک پہنچی ہیں یا نہیں۔
انہوں نے کہاکہ ضلع میں پانچ ضمانتوں پر عمل درآمد کیا جا رہا ہے۔ کچھ درخواستیں زیر التوا ہیں اور محکمہ کے عہدیداروں نے رابطہ کیا کہ انہیں درست کیا جائے۔ بیدر ضلع میں گریہ لکشمی یوجنا سے 29,77,887 لوگ مستفید ہو رہے ہیں۔گریہ جیوتی سے مستفید ہونے والے 3,43,727 لوگ ہیں۔. شکتی یوجنا سے 20,32,916 لوگ مستفید ہو رہے ہیں۔ انا بھاگیہ یوجنا کے 11,55,193 مستفیدین اور یووا ندھی کے 6808 مستفیدین ہیں۔
یہ بھی پڑھیں:بیدر میں عظیم الشان بین ریاستی قرآت قرآن کریم کا مقابلہ
اس میٹنگ میں ریاستی وزیر رحیم خان۔ ضلع کمشنر گویند ریڈی۔ ضلع پولیس سپرنٹنڈنٹ چناباساونا بیدر ضلع کے ڈپٹی کنزرویٹر آف فاریسٹ وناتھی، ایڈیشنل ڈسٹرکٹ کمشنر شیوکمار،سریکھا، محکمہ خوراک اور شہری فراہمی کی ڈپٹی ڈائریکٹر،خواتین اور بچوں کی ترقی کے محکمے کے ڈپٹی ڈائریکٹر پربھاکر، مختلف محکموں کے گارنٹی اسکیموں کے افسران اور گارنٹی اسکیموں پر عمل درآمد کمیٹی اتھارٹی کے ارکان اور دیگر موجود تھے۔
