بھوپال: سابق وزیر اعلی کمل ناتھ کے قریبی ساتھی سجن سنگھ ورما نے اتوار کو کہا کہ کانگریس کے تجربہ کار رہنما کمل ناتھ نے "راہل گاندھی سے فون پر بات کی"۔ ان افواہوں کے درمیان کہ وہ اپنے بیٹے نکول ناتھ کے ساتھ بی جے پی میں شامل ہو سکتے ہیں۔
پریس کانفرنس سے بات کرتے ہوئے ورما نے کہا کہ جب وہ دہلی میں ان کی رہائش گاہ پر ان سے ملے تو کمل ناتھ مدھیہ پردیش میں لوک سبھا کی 29 نشستوں کے لیے ممکنہ امیدواروں کی فہرست تیار کر رہے تھے۔ سجن سنگھ ورما نے دعوی کیا ہے کہ "کمل ناتھ نے مجھے بتایا کہ فی الحال ان کی بنیادی توجہ مدھیہ پردیش کی 29 لوک سبھا سیٹوں کے لیے ذات پات کی مساوات کو کیسے ترتیب دینا ہے۔ انھوں نے مجھے یہ بھی بتایا کہ انھوں نے کانگریس چھوڑنے کے بارے میں ایسا کچھ نہیں سوچا ہے"۔
کمل ناتھ کی قیادت والی کانگریس حکومت (2018 سے مارچ 2020) میں وزیر رہ چکے ورما نے مزید دعویٰ کیا کہ کمل ناتھ نے راہل گاندھی سے فون پر بات کی اور بھارت جوڑو نیائے یاترا کے بارے میں بات کی جو جلد ہی مدھیہ پردیش میں داخل ہوگی۔
یہ بھی پڑھیں:
- کمل ناتھ کانگریس میں ہی رہیں گے:جیتوپٹواری
- بی جے پی میں شامل ہونے کی قیاس آرائیوں کے درمیان کمل ناتھ دہلی پہنچ گئے
سجن سنگھ ورما نے کہا کہ کمل ناتھ کے کانگریس چھوڑنے کی خبریں میڈیا نے بنائی ہیں۔ "کمل ناتھ نے کہا کہ میں نے میڈیا سے کہا کہ جو بھی ہوگا انہیں بتایا جائے گا۔ یہ سب چیزیں میڈیا نے بنائی ہیں۔ بھارت جوڈو نیائے یاترا مدھیہ پردیش میں داخل ہونے والی ہے"۔ واضح رہے کہ کمل ناتھ کے تعلق سے قیاس آرائیاں کی جارہی ہیں کہ وہ کانگریس کو چھوڑ کر اپنے بیٹے کے ساتھ بی جے پی میں شامل ہوسکتے ہیں۔ وہ اپنے بیٹے کے ساتھ دہلی روانہ ہوئے ہیں۔ دہلی دورہ کے ساتھ ہی یہ قیاس آرائیاں تیز ہوگئیں ہیں۔
