شمالی24 پرگنہ:مغربی بنگال کے شمالی 24 پرگنہ کے سالٹ لیک میں اسلامک ایسوسی ایشن فور پیس کے اراکین اویغور مسلمانوں کی حمایت میں جلوس نکالا۔احتجاجی جلوس کے دوران مسلمانوں نے چین کے خلاف جم کر نعرہ بازی بھی کی۔ اسیلامک ایسوسی ایشن فور پیس کے اراکین اپنے اپنے ہاتھوں میں پلے کارڈ لئے ہوئے تھے ۔اس پر اویغور مسلمانوں کے خلاف جاری زیادتی کی مخالفت کی گئی تھی۔جلوس میں زیادہ تر مسلم نوجوان شامل ہوئے تھے۔ایسوسی ایشن کے اراکین نے اروناچل پردیش میں چین کی مداخلت کے خلاف بھی نعرہ بازی کی
جلوس میں شامل عبداللہ نام کے ایک نوجوان نے کہاکہ اویغور مسلمانوں کے ساتھ چین جو کچھ بھی کر رہا ہے ۔اس پر دنیا کی نظر نہیں پڑ رہی ہے۔اگر نظر جا بھی رہی ہے اویحغور مسلمانوں پر ہونے والے ظلم و زیادتی کو نظر انداز کر دیا جا رہا ہے۔ہم نے اویغور مسلمانوں کی حامیت میں جلوس نکالنے کا فیصلہ کیا تا کہ دنیا کی توجہ اویغور مسلمانوں کی جانب مبذول ہو سکے۔
یہ بھی پڑھیں:متھن چکروتی میں کولکاتا کے پرائیوٹ ہسپتال میں داخل
انہوں نے مزید کہاکہ ہم نے سوشل نیٹ ورکنگ سائٹ فیس بک کے ذریعہ اویغور مسلمانوں کی حمایت میں آواز بلند کرنے کا سلسلہ جاری رکھا ہے۔چین اویغور مسلمانوںکے ساتھ بہت برا کر رہا ہے۔اس کے خلاف مسلمانوں کو متحدہونا ضروری ہے۔ اسلامک ایسوسی ایشن فور پیس کے اراکین کا کہنا ہے کہ اویغور مسلمانوں کی حمایت میں جلسہ و جلوس کا سلسلہ جاری رکھنے کی کوشش کریں گے۔
اے این آئی نیوز
