نئی دہلی/چندی گڑھ: بدھ کو ہریانہ میں بی جے پی نے امیدواروں کی پہلی فہرست جاری کی ہے۔ پارٹی نے ہریانہ کے وزیر اعلیٰ نایاب سنگھ سینی کو کرنال سے اور کروکشیتر کی لاڈوا سیٹ سے میدان میں اتارا ہے۔ بی جے پی نے دیگر پارٹیوں کو چھوڑ کر بی جے پی میں شامل ہونے والے لیڈروں کو بھی ٹکٹ دیا ہے۔ بی جے پی نے 90 رکنی اسمبلی کے لیے 67 امیدواروں کی پہلی فہرست جاری کی ہے۔ نامزدگی کا عمل شروع ہونے سے ایک روز قبل جاری کی گئی فہرست میں بعض اہم سیاسی خاندانوں کے افراد کے نام بھی شامل ہیں۔
بی جے پی امیدواروں کی فہرست جاری: امیدواروں کی پہلی فہرست میں آٹھ خواتین بھی شامل ہیں۔ ریاست میں بی جے پی کے 41 ایم ایل ایز میں سے نصف سے زیادہ کو دوبارہ نامزد کیا گیا ہے۔ ہریانہ بی جے پی کے سابق سربراہ اوم پرکاش دھنکھر جو پارٹی کے قومی سکریٹری ہیں۔ انہیں بدلی سے میدان میں اتارا گیا ہے، جب کہ پارٹی کے سینئر لیڈر انل وج اپنے گڑھ امبالہ کینٹ سے دوبارہ انتخاب لڑیں گے۔
جے جے پی سے بی جے پی میں شامل ہونے والے رہنماؤں کو ٹکٹ: کچھ دن پہلے دیویندر سنگھ ببلی نے جننائک جنتا پارٹی (جے جے پی)، ٹوہانہ سے بی جے پی میں شمولیت اختیار کی، سنجے کبلانا کانگریس سے بی جے پی میں شامل ہوئے اور شروتی چودھری نے بی جے پی میں شمولیت اختیار کی۔ شروتی ہریانہ کے سابق وزیر اعلی بنسی لال کی پوتی اور سینئر بی جے پی لیڈر اور راجیہ سبھا ممبر پارلیمنٹ کرن چودھری کی بیٹی ہیں۔
مرکزی وزیر راؤ اندرجیت کی بیٹی انتخابی میدان میں: مرکزی وزیر راؤ اندرجیت سنگھ کی بیٹی آرتی سنگھ راؤ اٹیلی سے الیکشن لڑیں گی۔ راؤ اندرجیت کے کچھ وفاداروں کو بھی جنوبی ہریانہ سے ٹکٹ دیا گیا ہے۔اس کے علاوہ سابق وزیر اعلی بھجن لال کی پوتی بھاویہ بشنوئی کو ان کے آدم پور حلقہ سے دوبارہ امیدوار بنایا گیا ہے۔ بھاویہ سینئر بی جے پی لیڈر کلدیپ بشنوئی کے بیٹے ہیں۔
چیف منسٹر کرنال کے بجائے لاڈوا سے الیکشن لڑیں گے: کرنال میں جس کی نمائندگی فی الحال چیف منسٹر سینی کررہے ہیں۔ بی جے پی نے سینئر لیڈر جگموہن آنند کو میدان میں اتارا ہے۔ جو مرکزی وزیر اور سابق وزیر اعلیٰ منوہر لال کھٹر کے قریبی مانے جاتے ہیں۔ لاڈوا جہاں سے چیف منسٹر الیکشن لڑیں گے، کروکشیتر ضلع میں آتا ہے، جہاں سے 54 سالہ سینی 2019-2024 تک ایم پی تھے۔ سینئر بی جے پی لیڈر اور سابق وزیر کیپٹن ابھیمنیو اور سرسا کی سابق ایم پی سنیتا دوگل کو بالترتیب نارناؤنڈ اور رتیہ (ایس سی) حلقوں سے میدان میں اتارا گیا ہے۔
قابل ذکر ہے کہ 2014-2019 کے درمیان ہریانہ میں بی جے پی کے پہلے دور حکومت میں او پی دھنکھر اور کیپٹن ابھیمنیو وزیر تھے، لیکن دونوں 2019 کے انتخابات میں ہار گئے تھے۔ راجیہ سبھا کے رکن پارلیمنٹ کرشنا لال پنوار کو اسرانہ (ایس سی) سیٹ سے میدان میں اتارا گیا ہے۔ امبالہ کی میئر شکتی رانی شرما، جو حال ہی میں ہریانہ جنچتنا پارٹی سے حکمراں جماعت میں شامل ہوئی ہیں، کالکا سے انتخاب لڑیں گی، جب کہ اسمبلی اسپیکر گیان چند گپتا پنچکولہ سے دوبارہ انتخاب لڑیں گے۔ بی جے پی نے ایک بار پھر اسیم گوئل کو امبالا سٹی اسمبلی سیٹ سے اپنا امیدوار بنایا ہے۔
منجو ہڈا بھوپیندر ہڈا کے گڑھ سے میدان میں: روہتک ضلع کونسل کی صدر منجو ہڈا گڑھی سمپلا-کلوئی سیٹ سے انتخاب لڑیں گی، جہاں سے کانگریس کے بزرگ رہنما اور سابق وزیر اعلی بھوپیندر سنگھ ہڈا موجودہ ایم ایل اے ہیں۔ سرسا ضلع کی رانیا سیٹ سے رنجیت سنگھ چوٹالہ کو میدان میں نہیں اتارا گیا ہے۔ وہ اس سیٹ سے انتخاب لڑنے کی امید کر رہے تھے، لیکن بی جے پی نے ان کی جگہ شیش پال کمبوج کو میدان میں اتارا۔
رنجیت چوٹالہ کو ٹکٹ نہیں ملا: لوک سبھا انتخابات سے پہلے رنجیت نے رانیہ سے آزاد ایم ایل اے کے طور پر استعفیٰ دے کر بی جے پی میں شمولیت اختیار کی تھی اور حصار پارلیمانی سیٹ سے الیکشن لڑا تھا، لیکن انہیں شکست کا سامنا کرنا پڑا تھا۔ وزیر سنجے سنگھ اور سابق وزیر سندیپ سنگھ سمیت کچھ موجودہ ایم ایل اے کے نام بی جے پی امیدواروں کی پہلی فہرست میں نہیں ہیں۔ سابق وزیر وپل گوئل کو فرید آباد سے میدان میں اتارا گیا ہے، جہاں سے نریندر گپتا موجودہ ایم ایل اے ہیں۔
ہریانہ کے وزراء کنور پال، کمل گپتا، جئے پرکاش دلال، مہیپال ڈھانڈا، ابھے سنگھ یادو اور مول چند شرما کے نام بھی فہرست میں ہیں اور انہیں ان حلقوں سے میدان میں اتارا گیا ہے جن کی وہ نمائندگی کرتے ہیں۔ روہتک کے سابق ایم پی اروند شرما کو گوہانہ سے میدان میں اتارا گیا ہے۔
مزید پڑھیں:
ان لیڈروں کو ٹکٹ ملا: بی جے پی نے سینئر لیڈر رنبیر گنگوا کو ان کی موجودہ نلوا سیٹ سے ہٹا کر باروالا سے میدان میں اتارا ہے۔ رام کمار گوتم، جے جے پی کے ایک اور باغی جنہوں نے حال ہی میں رخ بدلا ہے، ان کو صفیدون سے میدان میں اتارا گیا ہے، جبکہ روہتک کے سابق بی جے پی ایم پی اروند شرما گوہانہ سے الیکشن لڑیں گے۔ انتخابات سے پہلے بی جے پی میں شامل ہونے والے سابق جیل سپرنٹنڈنٹ سنیل سنگوان کو چرخی دادری سے میدان میں اتارا گیا ہے۔
