اورنگ آباد: مہاراشٹر اسٹیٹ وقف بورڈ نے الحاق شدہ اداروں کو راحت فراہم کرنے کے لیے ایک اہم فیصلہ لیا ہے۔ اب وقف بورڈ ٹیکس پر جی ایس ٹی ادا نہیں کرنا پڑے گا ، اس کے ساتھ ملازمین پر کئی دنوں سے زیر التوا ساتواں کمیشن لاگو کرنے کا فیصلہ کیا گیا ہے۔ ریاستی وقف بورڈ کی ایک میٹنگ ڈویژنل دفتر نریمان پوائنٹ ممبئی میں ہوئی، جس میں چیرمین ایم ال اے ڈاکٹر وجاہت مرزا کی صدارت میں منعقد ہوئی ، اس موقع پر ممبران اور ایم پی امتیاز جلیل، ایم ایل اے فاروق شاہ، مولانا اطہر، مدثر لمبے، حسنین شاکر، قاضی سمیر، چیف ایگزیکٹیو آفیسر معین تسیلدار، ڈپٹی چیف ایگزیکٹو آفیسر جنید سید اور اسپیشل سپرنٹنڈنٹ مشیر شیخ وغیرہ موجود تھے۔
ریاست میں وقف تنظیم کے عہدیدار وقف ٹیکس پر لگائے گئے، جی ایس ٹی کو منسوخ کرنے کا مسلسل مطالبہ کر رہے تھے۔ ساتھ ہی ملازمین کا مطالبہ تھا کہ ساتواں کمیشن مرکزی اور ریاستی سرکاری ملازمین پر لاگو کیا جائے ۔ اب بورڈ کے مالیاتی پہلو مضبوط ہو رہا ہے، جبکہ وقف بورڈ میں افرادی قوت کم ہے۔ ریاست کے جاری معاملات کے پیش نظر ملازمین کو مالی ریلیف دیا گیا ہے۔ یہ اطلاع بورڈ کے چیئر مین ڈاکٹر وجاہت مرزا نے دی۔ قبل ازیں وقف بورڈ کا مالیاتی پہلو کمزور ہونے کی وجہ سے اسے بڑھا کر سات فیصد کر دیا گیا، پانچ فیصد کر دیا گیا، جی ایس ٹی اور وقف فنڈ میں کمی کی وجہ سے اس بات کا خیال رکھا گیا ہے کہ بورڈ کی مالی حالت بہتر ہو۔
