نئی دہلی: دہلی میں خواتین کے خلاف مظالم اور جنسی استحصال کے واقعات میں کمی کے آثار نظر نہیں آ رہے ہیں۔ تازہ ترین معاملہ دارالحکومت دہلی کے چانکیہ پوری علاقے سے سامنے آیا ہے۔ یہاں بدھا جینتی پارک میں ایک لڑکی کے گینگ ریپ معاملہ سامنے آیا ہے۔ لڑکی کی شکایت پر پولیس نے معاملے میں دو ملزمین کو گرفتار کر لیا ہے۔ جانکاری کے مطابق ملزمان متاثرہ لڑکی کے دوست ہیں۔ متاثرہ کے والد کی شکایت پر چانکیہ پوری تھانے میں ایف آئی آر درج کی گئی ہے۔ جانچ کے دوران چانکیہ پوری پولیس نے اس معاملے میں دونوں ملزمین کو گرفتار کر لیا ہے۔
جانکاری کے مطابق، لڑکی این سی آر میں اپنے خاندان کے ساتھ رہتی ہے۔ لڑکی کے مطابق وہ منگل کو بدھا گارڈن پارک میں اپنے دوستوں کے ساتھ گھومنے پھرنے آئی تھی۔ وہ یہاں اپنے دوستوں کے ساتھ بیٹھی تھی۔ اسی دوران نوجوان کا ایک اور دوست بھی وہاں پہنچ گیا۔ پھر دونوں نے لڑکی کو ڈرا دھمکا کر اس کے ساتھ اجتماعی عصمت دری کی اور وہاں سے فرار ہوگئے۔
متاثرہ کسی طرح کرول باغ تھانے پہنچی اور پولیس کو پورے واقعہ کے بارے میں بتایا۔ لڑکی نے پولیس کو بتایا کہ بدھا گارڈن پارک میں اس کے دوستوں نے اس کی عصمت دری کی۔ اس اطلاع کے بعد کرول باغ پولیس لڑکی کو لے کر چانکیہ پوری تھانے پہنچی اور واقعہ کی اطلاع دی۔ چانکیہ پوری پولیس لڑکی کے ساتھ منگل کو بدھا گارڈن پہنچی اور جائے واردات کا جائزہ لیا۔ پولیس نے ابتدائی تفتیش کے بعد دونوں ملزمان کو گرفتار کر لیا۔
یہ بھی پڑھیں:
دہرادون: بس میں نوعمر لڑکی کی اجتماعی عصمت دری، بدحواس حالت میں ملی متاثرہ
