لکھنؤ:اتر پردیش کے حجاج کی پہلی پرواز آج لکھنو پہنچے گی۔حجاج کا استقبال کی پوری تیاری مکمل ہوگئی ہے۔اسی درمیان پسماندہ مسلم سماج کے قومی صدر و سابق وزیر انیس منصوری نےکہاکہ پچھلے دو سال سے ہم اترپردیش سمیت ملک بھر سے حج پر جانے والے عازمین کو درپیش مسائل کے بارے میں خبردار کرتے رہے ہیں لیکن ہماری باتوں پر غور نہیں کیا گیا جس کے نتیجے میں ہزاروں عازمین کے فوت ہونے کی ویڈیوز سوشل میڈیا پر وائرل ہورہی ہیں۔
انیس منصوری نے وزیر اعظم سے مطالبہ کیا کہ وہ اس معاملے میں براہ راست مداخلت کریں اور قونصلیٹ جنرل آف انڈیا جدہ اور حج کمیٹی آف انڈیا کے سی ای او لیاقت علی آفاقی کے ذمہ دار اہلکاروں کو فوری طور پر طلب کر کے ان سے تحقیقات کرائیں۔
انیس منصوری نے کہا کہ سعودی عرب سے ہندوستانی عازمین حج کی فوت ہونے کے وائرل ویڈیو نے ملک بھر کے مسلمانوں میں غم اور غصہ پیدا کیا ہے لیکن شریعت کے تحفظ کا دعویٰ کرنے والا آل انڈیا مسلم پرسنل لا بورڈ اس مسئلہ پر خاموش ہے۔
یہ بھی پڑھیں:عازمین حج کا پہلا قافلہ لکھنؤ سے مدینہ منورہ کے لیے روانہ
انہوں نے مزید کہا کہ 22جون کو حاجیوں کا پہلا قافلہ لکھنو پہونچے گا اس دوران اگر ریاستی حج کمیٹی و اقلیتی فلاح محکمہ کے ذمہ داران حاجیوں کے ساتھ ائیر پورٹ پر تصاویر لیتے نظر ائے تو ہم ائیر پورٹ پر ہی مظاہر کریں گے۔ انہوں نے کہا کہ حاجیوں کو پریشانی کو حل نہیں کیا گیا تو ان سے ساتھ دیکھا وے کے لیے تصاویر کیوں لیتے ہیں۔
