الیکشن کمیشن کے لئے انتخابی ضابط اخلاق کی خلاف ورزیوں پرقابو پانا مشکل - Lok sabha election

Reaction On Election Commission سیاسی رہنماوں اور سماج کے ذمہ دار لوگوں کا خیال ہے کہ لوک سبھا انتخابات کے دوران جس طرح سے تشہیری مہم چلائی جا رہی ہے اس سے یہ ثابت ہوتا ہے کہ الیکشن کمیشن کے لئے صاف شفاف انتخابات کرانا مشکل ہے۔

بنگلورو:ملک کی دوسری ریاستوں کی کرناٹک میں بھی لوک سبھا انتخابات کے مدنظر سیاسی گہماگہمی زوروں پر ہے۔تمام سیاسی جماعتوں کی جانب سے تشہیری مہم زور شور سے جاری ہے۔

تشہیری مہم کے دوران مختلف سیاسی جماعتوں کے امیدواروں کی جانب سے انتخابی ضابط اخلاق بھی خیال رکھا نہیں جا رہا ہے۔امیدواروں کی بیان بازی تمام حدیں پار کر جا رہیں ہیں۔تشہیری مہم کے دوران انتخابی ضابط اخلاق کی خلاف ورزیوں کرنے والوں میں کابینہ زورا سے لے کر وزیر اعظم تک شامل ہیں۔

اس سلسلے میں ہم نے اہم شخصیات سے بات کی اور اس موضوع پر کرناٹک کے فارمر ایڈووکیٹ جنرل پروفیسر روی ورما کمار و فارمر یونین منسٹر ڈاکٹر کے رحمان خان روشنی ڈال رہے ہیں کہ یہ مسئلہ کیا ہے اور اس کا کیا حل ہے۔

پروفیسر روی ورما کمار نے انتخابی مہم کے دوران کئی طرح کے واقعات کی یاد دہانی کرائی جو انتخابی ضابطہ اخلاق کی خلاف ورزی کرتے ہیں لیکن الیکشن کمیشن کچھ نہیں کرتا نظر آرہا ہے، جو کہ واقعی بدقسمتی ہے۔ پروفیسر ورما کہتے ہیں کہ اس کا حل یہ ہے کہ الیکشن کمیشن کو فعال بنایا جائے، الیکشن کمیشن کے خلاف عدالتوں کا دروازہ کھٹکھٹانے کی ضرورت ہے اور اس بات کو یقینی بنانا ہے کہ خلاف ورزی کرنے والوں کو کارروائی کا سامنا کرنا پڑے۔

انتخابی میدان میں تشہیری مہم کے دوران چند سیاسی جماعتیں مذہب کا جم کر استعمال کر رہے ہیں لیکن تمام تر خلاف ورزیوں پر الیکشن کمیشن کی نظر نہیں پڑ رہی ہے۔اس ضمن میں سابق مرکزی وزیر ڈاکٹر کے رحمان خان نے کہاکہ انتخابی ضابط اخلاق کی خلاف ورزی کے لئے الیکشن کمیشن ذمہ دار ہے۔

سابق مرکزی وزیر اور کانگریس کے سینئر لیڈر ڈاکٹر کے رحمن خان نے کہا کہ الیکشن کمیشن بالکل خاموش اور غیر فعال نظر آرہا ہے جبکہ مودی کی قیادت والی مرکزی حکومت نے اپوزیشن کے کئی سرکردہ لیڈروں کو سلاخوں کے پیچھے دھکیل دیا ہے۔ ان کا کہنا ہے کہ وزیراعظم انتخابی مہم کے دوران کھلے عام نفرت انگیز تقاریر کر رہے ہیں اور متعدد شکایات کے باوجود الیکشن کمیشن کی جانب سے کوئی کارروائی نہیں ہو رہی۔