نوئیڈا:قومی راجدھانی دہلی اور این سی ار میں شدید گرمی کا سلسلہ بدستور جاری ہے۔ریاست اتر پردیش کے تمام میتیں جو پہنچی ہیں۔ ان کے اہل خانہ ان کے ساتھ تھے۔ زیادہ تر اموات کی وجہ ہیٹ اسٹروک اور گرمی بتائی گئی ہے۔ کچھ لاشیں ایسی ہیں جن کی شناخت تک نہیں ہو سکی ہے۔اسی دوران پوسٹ مارٹم ہاؤس سے کچھ تصاویر بھی منظر عام پر آئی ہیں۔جہاں لاشیں بے تربیت بکھری پڑی ہیں۔
تاہم محکمہ صحت نے گرمی سے ایک بھی ہلاکت کی تصدیق کرنے سے انکار کر دیا ہے۔ موت کی مختلف وجوہات بتائی گئی ہیں تاہم محکمہ کی جانب سے اموات کی تعداد میں اضافے کی کوئی واضح وجہ نہیں بتائی گئی۔ محکمہ کے مطابق ضلع میں ہیٹ اسٹروک کے چھ کیسز سامنے آئے ہیں۔ سب کا علاج چل رہا ہے۔
وہیں سیکٹر 94 میں واقع پوسٹ مارٹم ہاؤس میں 28 لاشیں پہنچنے کے بعد کل 23 لاشیں پہنچیں جب کہ عام طور پر صرف سات سے آٹھ لاشوں کا ہی پوسٹ مارٹم کیا جاتا ہے۔ لاشوں کی تعداد میں اچانک اضافہ سے پوسٹ مارٹم ہاؤس میں ہلچل مچی ہوئی ہے ۔لواحقین کو شدید گرمی میں گھنٹوں انتظار کرنا پڑتا ہے۔ اس کے علاوہ صفائی کا نظام بھی مکمل طور پر پٹڑی سے اتر گیا ہے۔ پورے احاطے میں لاشیں پڑی ہیں۔ کئی جگہوں پر گندگی پھیلی ہوئی ہے۔ ایسے میں لوگوں کا بیٹھنا بھی مشکل ہوتا جا رہا ہے۔
فوری پوسٹ مارٹم کے لیے محکمہ صحت کی جانب سے تین تین ڈاکٹروں کی ایک ٹیم تعینات کی گئی ہے، تاکہ پوسٹ مارٹم جلد کیا جا سکے۔ اس کے بعد بھی تمام لاشوں کا پوسٹ مارٹم مکمل نہیں ہو پا رہا ہے ۔ کل پوسٹ مارٹم ہاؤس میں 23 اور آج شام تک 20 پوسٹ مارٹم کیے گئے۔
یہ بھی پرھیں:مرادآباد کی ٹھنڈی سڑک جہاں شدید گرمی میں بھی درجہ حرارت چار سے پانچ ڈگری کم رہتا ہے
محکمہ صحت کے صحت عامہ کے ماہر ڈاکٹر امیت کمار نے بتایا کہ سرکاری، پرائیویٹ اسپتالوں کو بھی پورٹل پر ہیٹ اسٹروک سے ہونے والی اموات کے بارے میں لازمی طور پر معلومات فراہم کرنے کی ہدایت کی گئی ہے، لیکن ابھی تک اسے موصول نہیں ہوا۔
