حیدرآباد: سابق چیئرمین ریاستی اقلیتی مالیاتی کارپوریشن محمد امتیاز اسحاق ہم نے تلنگانہ بھون میں اخباری نمائندوں سے بات چیت کرتے ہوئے کانگریس حکومت پر شدید تنقید کی۔ اور کہا ہے کہ گزشتہ 8 ماہ سے ریاستی حکومت اقلیتوں کے ساتھ کھلواڑ کر رہی ہے۔ انہوں نے کہا کہ اقلیتوں کی فلاح اور بہبود سے متعلق اسکیم کو نظر انداز کیا گیا ہے۔ کانگریس پارٹی اپنے جھوٹے وعدوں کے تحت حکومت چلا رہی ہے اور اس سے عوام بخوبی واقف ہو چکی ہے۔ کانگریس پارٹی ریاست کے اقلیتوں کے ساتھ ساتھ عوام کو بھی دھوکہ دے کر اقتدار پر آئی ہے۔ اور یہ زیادہ دن چلنے والی نہیں ہے۔
یہ بھی پڑھیں:
انہوں نے کہا کہ بی آر یس پارٹی کے دور اقتدار میں عوام سے وعدے کم کرنے کی حکمت عملی پر کام کر کے یہ ثابت کر دیا گیا تھا کہ یہ حکومت غریب عوام کی ہے۔ انہوں نے کہا ہے کہ نومبر 2023 میں اسمبلی انتخابات کے بعد سے مائنارٹی ڈیکلریشن میں اقلیتوں کے ساتھ کیے گئے وعدوں پر عمل کرکے مسلمانوں کو آج تک ایک بھی اسکیم کے ذریعے فائدہ نہیں پہنچایا گیا۔
یہ بھی پڑھیں:
وائی ایس شرمیلا کی پارٹی کانگریس میں ضم
انہوں نے کانگریس حکومت کی پالیسیوں پر شدید مذمت کرتے ہوئے کہا ہے کہ جھوٹے وعدوں کی حکومت زیادہ دن تک اقتدار پر نہیں رہ سکتی۔ کانگریس حکومت کو کم وقت میں ریاست کی عوام جان چکی ہے۔ یہ حکومت وعدے تو کی ہے لیکن عملی کام میں صفر ثابت ہو رہی ہے۔
