بنگلورو: کرناٹک میں سدارامیا کی قیادت والی کانگریس حکومت کو 9 ماہ مکمل ہوچکے ہیں۔ کانگریس پارٹی کی جانب سے الیکشن کیمپین کے دوران عوام سے کئی وعدے کیے گئے تھے، لیکن اب پر الزام عائد کیا جارہا ہے کہ کانگریس اپنی 5 گارنٹیوں کے علاوہ ان میں سے کسی وعدے کو پورا کرتے ہوئے نظر نہیں آرہی ہے۔
کانگریس پارٹی نے حجاب پر پابندی، مسلمانوں کے 4 فیصد ریزرویشن کی بحالی اور اسی طرح گزشتہ بی جے پی حکومت کی جانب سے بنائے گئے کئی عوام مخالف قوانین کو واپس لینے کے وعدے کئے تھے۔
ان ڈھیر سارے وعدوں کے ساتھ کانگریس اقتدار میں آنے کے بعد، 9 مہینے گزر چکے لیکن 5 گارنٹیوں کے سوا کوئی وعدہ پورا ہوتا نظر نہیں آرہا ہے. اس سلسلے میں اپوزیشن کا کہنا ہے کہ سدارامیہ حکومت اپنے منشور میں کئے گئے وعدوں کو پورا کرنے میں سنجیدہ نظر نہیں آرہی ہے۔
یہ بھی پڑھیں:رپورٹ سچ ثابت ہوئی تو پاکستان کے حق میں نعرے لگانے والوں کی حفاظت کا سوال ہی نہیں، سدارامیا
اس سلسلے میں کرناٹک کانگریس کا کہنا ہے کہ سدرامیہ کی حکومت پوری کوشش میں ہے اور وہ اپنے وعدے ضرور پورے کرے گی۔اس سلسلے میں معروف سماجی کارکن و دانشور شیو سندر کا کہنا ہے کہ لوگوں کو کانگریس کے وعدوں پر یقین نہیں کرنا چاہیے کیونکہ یہ آر ایس ایس کی بی ٹیم ہے اور ہمارے مسائل کے حل و ملک کے روشن مستقبل کے لیے ایک مضبوط عوامی جمہوری تحریک شروع کرنے کی ضرورت ہے۔
