پٹنہ: بہار میں جنتادل یونائٹیڈ ( جے ڈی یو ) کے پھر سے قومی جمہوری اتحاد ( این ڈی اے ) میں شامل ہونے کی مسلسل قیاس آرائیوں اور اس کے مطابق ماحول بن جانے اور بھارتیہ جنتا پارٹی ( بی جے پی ) کے وزیراعلیٰ نتیش کمار کے لئے بند دروازے کھولنے کے واضح اشاروں کے باوجود نتیش کمار کے ابھی تک پتہ نہیں کھولنے سے ریاست میں سیاسی کشمکش برقرار ہے۔ بہار میں اقتدار کی تبدیلی کی قیاس آراﺅں کے درمیان وزیر اعلی نتیش کمار کی رہائش گاہ پر جے ڈی یو رہنماو ¿ں اور سابق وزیر اعلیٰ رابڑی دیوی کی رہائش گاہ پر راشٹریہ جنتا دل (آر جے ڈی) کے رہنماو ¿ں کا اجلاس جاری ہے۔ 28 جنوری کو وزیراعلیٰ کی رہائش گاہ پرجے ڈی یو قانون ساز پارٹی کی میٹنگ ہوگی۔ اس سے قبل سنیچر کے روز ، آر جے ڈی اور بی جے پی کے علاوہ کانگریس بھی ایم ایل ایزکے ساتھ ایک میٹنگ کرے گی۔ بی جے پی کی جمعرات کودہلی میں مرکزی وزیر داخلہ امیت شاہ کی صدارت میں ایک اعلی سطحی میٹنگ منعقد ہوئی اور آج بھی یہ میٹنگ جاری ہے۔
دریں اثنا ، آر جے ڈی کے راجیہ سبھا کے رکن منوج جھا نے وزیر اعلی نتیش کمار سے جلد ازجلد ’کنفیوژن ‘ دورکرنے کی درخواست کرتے ہوئے کہا کہ بہار میں حکومت کو چلانے والے عظیم اتحاد کے بارے میںشکوک وشبہات پیدا ہوگئے ہیں جس سے کام کاج متاثر ہورہاہے۔ ہمارے مکھیا (نتیش کمار) کی ذمہ داری ہے کہ وہ اسے ختم کریں۔ آر جے ڈی کی طرف سے تبصرہ نہیں کیا جارہا ہے۔وہیں آر جے ڈی کے سینئرلیڈر شیوانند تیواری نے دو ٹوک انداز میں کہا کہ اگر نتیش کمار میں سو ابھیمان باقی ہے تو ، وہ بی جے پی کے ساتھ نہیں جائیں گے۔ اگرچہ انہوں نے وزیر اعلی سے ملنے کے لئے وقت طلب کیا ہے ، لیکن وزیر اعلی کی رہائش گاہ سے کوئی جواب نہیں ملا ہے۔
کانگریس کے قانون ساز کونسل کے رکن پریم چندر مشرا نے بھی نتیش کمار پر زور دیا ہے کہ وہ شکوک و شبہات کو دور کرکے اپنے موقف کو واضح کریں۔ انہوں نے کہا کہ سیاسی الجھن یا عدم استحکام ریاستی مفاد میں نہیں ہے۔ جے ڈی یو اور آرجے ڈی کے مابین تلخی نتیش کمار کے 24 جنوری کو جن نائک کرپوری ٹھاکر کی پیدائش کے موقع پر منعقدہ پروگرام میں سیاست میں کنبہ کوبڑھاوا دینے سے متعلق دیئے گئے بیان اور اس کے ایک دن بعد لالو پرساد یادو کی بیٹی روہینی آچاریہ کے ’ایکس‘ پر سلسلے وار تین ٹوئٹ کر کے نتیش کمار پر حملہ کرنے سے آئی ہے ۔ حالانکہ بعد روہینی نے اپنے ٹوئٹ ڈیلٹ تو کر دیئے لیکن ریاست کے سیاسی درجہ ¿ حرارت میں اضافہ ہوگیا ہے۔ نتیش کمار اور لالو یادو کے رشتوں میں تلخیاں ابھر کرسامنے آگئیں ہیں۔
یو این آئی
