اترپردیش: اتر پردیش میں سماج وادی پارٹی کے سربراہ اکھلیش یادو کی ریلیوں میں حامیوں کی بڑی تعداد شرکت کر رہی ہے۔ اس وجہ سے ان کے ریلیوں میں افراتفری کی صورت حال پیدا ہو رہی ہے۔ انتخابی مہم کے دوران پہلے پھول پور، پھر سنت کبیر نگر اور اب اعظم گڑھ میں اکھلیش یادو کی ریلی میں لوگوں کی بھیڑ بے قابو ہو گئی، جس کی وجہ سے ریلی میں افراتفری کا ماحول پیدا ہو گیا۔
غور طلب ہے کہ لال گنج لوک سبھا حلقہ میں اکھلیش یادو کی ریلی کے دوران ایک بار پھر افراتفری جیسی صورت حال پیدا ہوگئی۔ اس کا ویڈیو بھی سامنے آیا ہے، جس میں دیکھا جا سکتا ہے کہ جب وہ اسٹیج کی طرف بڑھے تو ایس پی کارکنوں کو پیچھے دھکیل دیا گیا اور کارکنان ایک دوسرے پر چڑھ کر بھاگتے ہوئے نظر آئے۔ اس دوران جس اسٹینڈ پر لاؤڈ اسپیکر لگائے گئے تھے وہ بھی گر گیا۔ یہی نہیں، جیسے ہی آگے سے کارکنوں کو پیچھے کیا گیا، پیچھے سے آنے والے کارکن خود ہی واپس چلے گئے۔
اس سے قبل ایسا ہی منظر کانگریس لیڈر راہل گاندھی اور اکھلیش یادو کے پھول پور، پریاگ راج میں مشترکہ جلسہ کے دوران دیکھا گیا تھا۔ یہاں بھی حالات قابو سے باہر ہو گئے تھے اور سکیورٹی وجوہات کی بنا پر دونوں رہنماؤں کو وہاں سے جانے کو کہا گیا تھا۔ تاہم اس دوران دونوں رہنماؤں نے ریلی کے مقام پر ہی ایک دوسرے سے اپنی گفتگو کا ویڈیو جاری کیا تھا۔
یہ بھی پڑھیں:
