علیگڑھ : ضلع علیگڑھ تھانہ گاندھی پارک کے علاقے مامو بھانجے میں 18 جون کی دیر رات محمد فرید عرف اورنگزیب کو ہجوم نے پیٹ پیٹ کر ہلاک کر دیا تھا جس کو انصاف دلانے کے لئے جہاں ایک جانب روز اول سے ہی سیاسی اور سماجی تنظیمیں علیگڑھ ڈسٹرکٹ مجسٹریٹ اور صدر جمہوریہ کو میمورنڈم دے کر فرار پانچ نامزد ملزموں کو گرفتار کرکے جلد سے جلد کڑی کروائی کا مطالبہ کر رہے ہیں وہیں دوسری جانب آج مقتول اورنگزیب سمیت سات نامزد اور دو نامعلوم افراد کے خلاف دفعہ 395, 354 کے تحت علی گڑھ گاندھی پارک تھانے میں مقدمہ درج کیا گیا ہے۔
تاجر کی اہلیہ کی شکایت پر تمام افراد کے خلاف ڈکیتی اور چھیڑ چھاڑ کا مقدمہ درج کر کیا گیا ہے۔ سماجوادی پارٹی کے لیڈروں نے علیگڑھ انتظامیہ پر حکومت کے دباؤ میں کاروائی کرنے کا الزام عائد کئے تھے۔ واضح رہے 18 جون کو اورنگزیب کی ماب لنچنگ کا ویڈیو بھی سوشل میڈیا پر وائرل ہوئی تھی جس کے بعد پولیس نے دس نامزد اور دس سے گیارہ نامعلوم افراد کے خلاف دفعہ 302, 341, 147, 148, 149, 34 کے تحت مقدمہ درج کرلیا تھا۔ ملزموں کی گرفتاری کے بعد ان کی حمایت میں ریلوے روڈ پر لوگوں نے دھرنا لگا کر احتجاج کیا تھا جس میں بی جے پی رکن اسمبلی مکتا سنجیو راجہ بھی شامل ہوئی تھی۔
