کوچ بہار:بی جے پی کیلئے شمالی بنگال کی 7سیٹیں جہاں گزشتہ انتخاب میں غیر متوقع کامیابی حاصل کی تھی کیلئے اس سال برقرار رکھنا کسی چیلنج سے کم نہیں ہے۔کوچ بہار میں پہلے مرحلے میں پولنگ ہورہی ہے۔یہاں سے بی جے پی نے ایک بار پھر نشیت پرمانک کو امیدوار بنایا ہے۔پرمانک اور بی جے پی کیلئے اس سیٹ کو برقرار رکھنا کسی چیلنج سے کم نہیں ہے۔
ترنمول کانگریس یہ سیٹ دوبارہ حاصل کرنے کی جدوجہد کررہی ہے۔ محض دو دہائی قبل کوچ بہاراس کا تصور بھی نہیں کیا جاسکتا تھا کہ بی جے پی پہلی پوزیشن پر رہے گی ۔یہ بائیں محاذ کا گڑھ تھا۔یہ سیٹ ہمیشہ لیفٹ پارٹنر فارورڈ بلاک (FOB) سے تعلق رکھتی تھی۔ 1967 سے 2009 تک فارورڈ بلاک کے امیدوار کامیاب ہوتے تھے۔ امر رائے پردھان اکیلے اس سیٹ سے آٹھ بار ایم پی رہ چکے ہیں۔
مگر اس وقت بائیں محاذ کوچ بہار کے منظر نامے میں حاشیہ پر پہنچ گئی ہے۔ بلکہ ہر الیکشن میں ان کی طاقت میں تھوڑی بہت کمی آئی ہے۔ ترنمول کی رینوکا سنگھ نے 2014 میں پہلی مرتبہ کامیابی حاصل کی تھی۔ تاہم دو سال کے اندر ان کی موت کی وجہ سے ترنمول کانگریس کے پارتھاپرتیم رائے نے ضمنی انتخاب میں ایک بڑی جیت حاصل کی۔ اسی سال کوچ بہار میں بی جے پی کا عروج دیکھا گیا۔ بی جے پی امیدوار پہلی بار دوسرے نمبر پر آئے۔ پانچ سال بعد نشیت پرمانک بی جے پی کے ٹکٹ پر انتخاب جیتنے میں کامیاب ہوگئے۔
کوچ بہار میں نسیت جیت گئے۔ لیکن یہ خلا بہت بڑا نہیں تھا۔ تاہم بی جے پی کا عروج حیرت انگیز تھا۔نشیت پرمانک نے 54 ہزار 231 ووٹوں سے کامیابی حاصل کی۔ اور بی جے پی کو ملنے والے ووٹ 47.98فیصد تک پہنچ گئے۔31.64فیصد ووٹ کا اضافہ ہوا ہے۔ترنمول کانگریس کیلئے یہ بڑی شکست تھی ۔کیونکہ لوک سبھا کے نتائج کے لحاظ سے بی جے پی سات پارلیمانی حلقوں میں سے پانچ پر آگے تھی۔
2021کے اسمبلی انتخابات میں بی جے پی نے کوچ بہار کے شمال اور جنوب کے علاوہ مٹھ بھنگا، دن ہاٹا، شیتل کوچی اور ناٹاباری حلقے میں جیت حاصل کی۔ تاہم ایم پی نشیت پرمانک دن ہاٹا سے محض57 ووٹوں سے جیت حاصل کی لیکن چونکہ انہوں نے اسمبلی کی رکنیت کا عہدہ نہیں لیا، ترنمول کے اُدین گوہا نے اس سیٹ پر84.15فیصد ووٹ اور 1,64,890ووٹ حاصل کر کے جیت حاصل کی۔
2021 کے الیکشن میں پہلی بار ہارنے والے اُدین ریاست کے وزیر بن گئے۔ دوسری طرف نشیت کو بھی مرکز میں وزارت ملی۔ مرکزی وزیر مملکت برائے داخلہ نسیت اس بار بھی کوچ بہار سے بی جے پی کے امیدوار ہیں۔ ان کے خلاف ترنمول کے امیدوار سیتائی کی ممبر اسمبلی جگدیش چندر ورما بسونیا ہیں۔ وزیر اعظم نریندر مودی نشیت کی انتخابی مہم کے لیے آئے تھے۔ وزیر اعلیٰ ممتا بنرجی نے جگدیش کے لیے مہم چلائی۔ ترنمول کانگریس کے جنرل سیکریٹری ابھیشیک بنرجی بھی انتخابی مہم پر گئے تھے۔
ووٹنگ کی تاریخ کہتی ہے کہ راجونشی اکثریت والے اس علاقے میں اس کمیونٹی کے زیادہ ووٹ جس کو ملیں گے اس امیدوار کی جیت کے امکان زائد ہیں ۔اسی لیے بی جے پی نے راجونشی لیڈر اننت رائے کو راجیہ سبھا بھیجا ہے۔ تاہم یہ نہیں کہا جا سکتا کہ بی جے پی کو اس سے بہت زیادہ فائدہ ہوا ہے۔ کیونکہ اننت کو راجیہ سبھا بھیجنے کے بعد بھی جلپائی گوڑی ضلع کے جلپائی گوڑی حلقہ کے ضمنی انتخاب میں بی جے پی کو شکست ہوئی تھی۔ لیکن بی جے پی کیمپ کا دعوی ہے کہ ضمنی انتخاب کے نتائج کا عام انتخابات سے موازنہ نہیں کیا جا سکتا۔ عام طور پر ریاست کی حکمران جماعت ضمنی انتخابات جیتتی ہے۔ بلکہ، دھوپاگوری ضمنی انتخاب میں حکمراں جماعت کو صرف4,390ووٹوں سےجیتنااس بات کی نشاندہی نہیں کرتا کہ راجونشیوں نے بی جے پی سے منہ موڑ لیا ہے۔
یہ بھی پڑھیں:لوک سبھا انتخابات میں ٹی ایم سی کو مسلمانوں کی حمایت حاصل ہونے کا امکان - Lok Sabha Polls 2024
کوچ بہار میں اس بار تیسری طاقت کون بنے گایہ کہنا مشکل ہے۔ کیونکہ اس حلقے میں بائیں بازو اور کانگریس کے درمیان کوئی اتحاد نہیں ہے۔ 2019 میں فارورڈ بلاک کے پاس3 .0فیصد ووٹ تھے جبکہ کانگریس کے پاس 1.85فیصد ووٹ تھے۔ 2021 میں مشترکہ طور پر3 .70فیصدووٹ تھے۔ اس بار تیسرے نمبر پر کون ہوگا؟ کوچ بہار میں بھی یہی سوال ہے۔
