کولکاتا: سرکاری ذرائع کے مطابق ریاستی پولیس اس حملے کی تحقیقات کر رہی ہے جس میں این آئی اے کی گاڑی میں توڑ پھوڑ کی گئی اور ایک افسر زخمی ہوگیا۔ تحقیقاتی ایجنسی نے بھوپتی نگر پولیس اسٹیشن میں شکایت درج کرائی۔
ذرائع کے مطابق این آئی اے نے دیر رات چھاپہ مارا اور دھماکہ کیس میں دو مشتبہ افراد سے پوچھ تاچھ کے بعد گرفتار کر لیا۔ کار سے واپسی کے دوران این آئی اے ٹیم پر مشتعل ہجوم نے حملہ کردیا اور پتھراؤ کرکے ونڈ اسکرین کو توڑ دیا۔ ایک اہلکار سر پر چوٹ لگنے سے زخمی ہوا۔این آئی اے نے ترنمول کارکنوں مونوبرت جانا اور بالائی چندر میتی کو گرفتار کیا جنہیں آج خصوصی عدالت میں پیش کیا گیا۔
قابل ذکر ہے کہ این آئی اے 22 دسمبر 2022 کو ہوئے دھماکے کے معاملے میں کلکتہ ہائی کورٹ کے حکم کے بعد تحقیقات کر رہی ہے، جس میں ترنمول لیڈر ابھیشیک بنرجی کی میٹنگ کے ایک دن پہلے ٹی ایم سی کے ایک کارکن سمیت تین لوگوں کی موت ہو گئی تھی۔ریاستی پولیس نے کہا کہ یہ واقعہ موقع پرفورسز کی ایک ٹکڑی کے پہنچنے سے پہلے پیش آیا کیونکہ وفاقی ایجنسی تلاشی آپریشن کے بارے میں بتائے بغیر چھاپہ مارنے چلی گئی تھی۔
این آئی اے نے الزام لگایا کہ دھماکے میں ملوث ہونے کے الزام میں کل آٹھ ملزمین نے جب دو بار جاری کئے گئے سمن کا کوئی جواب یا ردعمل نہیں دیا تو چھاپہ ماراگیا۔
گزشتہ 5 جنوری کو انفورسمنٹ ڈائریکٹوریٹ (ای ڈی) پر حملے کے بمشکل تین ماہ بعد ریاست میں این آئی اے پرحملہ ہوا۔ جب ای ڈی شمالی 24 پرگنہ میں مبینہ راشن گھوٹالے میں سندیشکھالی میں ٹی ایم سی لیڈر شاہجہان شیخ سے پوچھ گچھ کرنے گئی تھی تو اس پر بھی حملہ ہواتھا۔
حملے پر ردعمل ظاہر کرتے ہوئے مغربی بنگال کی وزیر اعلیٰ اور ترنمول کی صدر ممتا بنرجی نے سوال کیا کہ مرکزی ایجنسی مقامی پولیس اسٹیشن کو اطلاع دیے بغیر رات گئے وہاں کیوں گئی۔ انہوں نے پوچھا کہ اگر ایجنسی کے اہلکاردیر رات کسی گھر میں داخل ہوں گے تو کیا گھر کی عورتیں خاموش رہیں گی؟
یہ بھی پڑھیں: بنگال میں این آئی اے کی ٹیم پر حملہ - attack on NIA team in Bengal
مارکسی کمیونسٹ پارٹی کے لیڈر وکاس رنجن بھٹاچاریہ نے وزیر اعلیٰ کا ایسا بیان دینے سے گریز کرنا چاہئے۔دراصل وہ پریشاسن ہیں ۔ انہوں نے کہا کہ این آئی اے پر حملہ پہلے سے منصوبہ بند تھا اور حکمراں ترنمول کے اشارے پر کیا گیا تھا۔این آئی اے گاڑی کے ڈرائیور نے الزام لگایا کہ تقریباً 50 سے 60 خواتین نے گاڑی پر حملہ کیا۔
یواین آئی
