اورنگ آباد:مہاراشٹر میں ایک مخصوص طبقہ کی جانب سے مسلمانوں کے خلاف جاری مسلسل زہر افشانی کے خلاف ایم آئی ایم کے قومی صدر نے سخت رد عمل کا اظہار کیا اور ریاست میں ایم آئی ایم کے امیدواروں کے ناموں کا بھی اعلان کیا۔
مہاراشٹر کے شہر اورنگ آباد میں آج ایم آئی ایم کے قومی صدر اسدالدین اویسی نے وقف ترمیمی بل 2024 کے خلاف اپنے اعتراضات داخل کرنے کی اپیل کی اور کہا کہ مودی حکومت اس بل کے ذریعے صرف اور صرف اوقافی جائیدادیں ہڑپنا چاہتی ہے۔
ملک بھر میں مسلم طبقے کے ساتھ کی جارہی زیادتوں پر انھوں نے رد عمل کا اظہار کرتے ہوئے کہا کہ وزیر اعظم کا نعرہ سب کا ساتھ سب کا وکاس ایک فرضی نعرہ ہے۔
اس موقعے پر اسد الدین اویسی نے مہاراشٹر میں ہونے والے اسمبلی انتخابات کے سلسلے میں ایم آئی ایم امیدواروں کے نام کا بھی تذکرہ کیا جس میں امتیاز جلیل، مفتی اسماعیل قاسمی، فاروق شاہ و دیگر دو امیدواروں کے نام شامل ہیں۔
انھوں نے یہ بھی کہا کہ مہاراشٹر میں بی جے پی لیڈران کی جانب سے مسلم طبقہ کے خلاف جو زہر افشانی کی جارہی ہے دراصل وہ سب اقتدار کے نشے میں چور ہوکر ایسی حرکتیں کر رہے ہیں۔
یہ بھی پڑھیں:
انھوں نے اس بل میں درج ایک اور بات کا حوالہ دیا کہ اگر کوئی مسلمان کچھ جائیداد وقف کرنا چاہتا ہے تو اس شخص کو اپنے پانچ سال تک مسلمان ہونے کا ثبوت فراہم کرنا پڑے گا۔ ایم آئی ایم صدر نے کہا کہ جوائنٹ پارلیمانی کمیٹی اور جوائنٹ ورکنگ کمیٹی دو الگ الگ چیزیں ہیں اور ورکنگ کمیٹی کے حوالے سے کوئی بات ظاہر نہیں کی جاسکتی۔
