ملک بھر میں گرمی کی لہر کے پیش نظر ووٹروں سے اپیل - HEAT WAVE

Appeal to voters in view of increasing heat: ملک بھر میں بڑھتی ہوئی گرمی کی شدت اور گرمی کی لہر کے پیش نظر ووٹروں سے اپیل کی گئی ہے کہ وہ تمام احتیاط برتیں، ڈیزاسٹر مینجمنٹ اتھارٹی کے وائس چیئرمین نے عوام سے اپیل کی ہے کہ وہ سخت دھوپ میں غیر ضروری طور پر دوپہر 12 بجے سے 3 بجے کے درمیان باہر نہ نکلیں۔

لکھنؤ: اترپردیش میں موسم گرما کی آمد آمد ہے۔ مارچ کے آخری ہفتہ میں درجۂ حرارت گزشتہ سال کے مقابلے 02 سے 03 ڈگری زیادہ رہا۔ ہندوستان کے محکمۂ موسمیات (IMD) کے مطابق اپریل اور جون کے درمیان درجۂ حرارت معمول سے زیادہ رہنے کا امکان ہے۔ ملک میں سات مرحلوں میں ہونے والے عام انتخابات کے دوران گرمی کی لہر رہے گی۔ ریاستی ڈیزاسٹر مینجمنٹ اتھارٹی کے اعزازی وائس چیئرمین لیفٹیننٹ جنرل یوگیندر ڈمری( PVSM AVSM] (VSM (ریٹائرڈ) نے کہا کہ اتھارٹی نے مارچ کے مہینہ میں ہی اتر پردیش اسٹیٹ ہیٹ ویو ایکشن پلان -2024 تیار کیا تھا اور اسے سب کے لیے دستیاب کرایا تھا۔
یہ بھی پڑھیں:

انہوں نے کہا کہ ’ہیٹ ویو ‘سے بچاؤ کے لیے محکمہ وار ذمہ داریاں ضلع ڈویژنل، تحصیل، بلاک اور گرام پنچایت سطح پر بھی تیار کر لی گئی ہیں۔ وائس چیئرمین نے ریاست کے لوگوں سے اپیل کی ہے کہ وہ سخت دھوپ میں غیر ضروری طور پر خاص طور پر دوپہر 12 بجے سے 03 بجے کے درمیان باہر نہ نکلیں۔ پانی کثرت سے پئیں چاہے آپ کو پیاس نہ لگے، ہلکے رنگ کے ڈھیلے کپڑے پہنیں۔ سوتی کپڑے پہنیں، اور اپنے آپ کو تولیہ، ٹوپی، چھتری، دھوپ سے بچائیں۔

سفر کے دوران اپنے ساتھ پانی ضرور رکھیں، اگر باہر جانا ضروری ہو تو اپنے سر اور گردن پر گیلا کپڑا رکھیں، گھریلو مشروبات جیسے لسی، نمک چینی کا محلول، لیموں پانی، چھاچھ وغیرہ استعمال کریں، کھانا پکانے کے دوران کھڑکیاں کھولیں۔ شراب، کافی جیسے مشروبات کا استعمال نہ کریں۔ بچوں یا پالتو جانوروں کو دھوپ میں کھڑی گاڑیوں میں نہ چھوڑیں، مقامی موسم کی پیشین گوئی سنیں اور درجۂ حرارت کی تبدیلیوں سے مستعد رہیں۔ گرمی کی لہر جان لیوا ثابت ہو سکتی ہے، اس سے بچاؤ ہی واحد علاج ہے۔
بوڑھے، جسمانی طور پر کمزور افراد اور حاملہ خواتین کو صبح ووٹ ڈالنا چاہیے۔ ہلکے رنگ کے اور پوری آستین والے سوتی کپڑے پہنیں۔ مائع مشروبات کا استعمال جاری رکھیں۔ پولنگ کی جگہ تک پہنچنے کے لیے چھتری اور اپنے سر کو ڈھانپنے کے لیے تولیہ/دوپٹہ/ ٹوپی کا استعمال کریں۔ چھوٹے بچوں کو پولنگ کی جگہ پر نہ لے جائیں۔ ووٹ ڈالنے کے لیے قطار میں کھڑے بزرگ، جسمانی طور پر کمزور افراد اور حاملہ خواتین کو ترجیح دیں۔

انہوں نے کہا کہ ساتھ ہی اگر کوئی پولنگ کی جگہ پر ہیٹ اسٹروک یا ڈائریا وغیرہ سے متاثر ہو تو فوری طور پر BLO سے ORS حاصل کریں اور متاثرہ شخص کو دیں۔ اگر ضرورت ہو تو 108 نمبر پر رابطہ کریں اور ایمبولینس کی مدد حاصل کریں۔ ہر ووٹر، قوم اور ملک کو بنانے والا ہے۔ اپنا اور دوسروں کا خیال رکھیں۔