مرادآباد میں جامعہ نعیمیہ میں عرس صدر العلماء کا اہتمام - Annual URS In Moradabad

مرادآباد میں واقع درس گاہ جامع نعیمیہ میں حضرت سید ظفر الدین نعیمی کے عرس کا اہتمام کیا گیا۔ اس موقعے پر علماء کرام نے کی ان کی زندگی پر روشنی ڈالی۔

مرادآباد: ریاست اتر پردیش کے مرادآباد کے محلہ دیوان کا بازار میں واقع مدرسہ جامعہ نعیمیہ میں آج حضرت سید ظفر الدین نعیمی کے عرس کا اہتمام کیا گیا۔ مدرسہ جامعہ نعیمیہ اہل سنت والجماعت کی دینی تعلیم کا مرکز رہا ہے۔ بانی مدرسہ حضرت علامہ مولانا نعیم الدین جنہیں صدر الافاضل کے لقب سے جانا جاتا ہے۔

آج صدر الافاضل کے بڑے صاحبزادے اور ان کے جانشین حضرت مولانا مفتی حکیم سید ظفر الدین علیہ الرحمہ کا 53واں سالانہ عرس مبارک نہایت ہی عقیدت و احترام کے ساتھ منایا گیا۔ مرادآباد اور اس پاس کے اضلاع سے تشریف لائے علماء کرام نے صدر العلماء کی دینی اور ملی خدمات پر روشنی ڈالی۔

آپ کے پوتے حضرت علامہ مولانا سید بختیارالدین نعیمی نے سیّد ظفر الدین احمد نعیمی علیہ الرحمہ کے عرس کی مبارکباد پیش کرتے ہوئے کہا کہ آج پوری دنیا میں 'عرس صدر العلماء' منایا جا رہا ہے۔ انہوں نے سیّد ظفر الدین احمد نعیمی کی شخصیت سے متعلق بتایا کہ آپ اللہ کے محبوب بندے تھے۔ آپ نے پوری زندگی اللہ کی ذکر میں گزار دی۔ جو اللہ کے ذکر میں اپنی زندگی فنا کر دے، ان کا ذکر قیامت تک ہوتا رہے گا اور انہیں ہمیشہ یاد کیا جاتا رہے گا۔