بھاگلپور: ریاست بہار کے ریشمی شہر بھاگلپور میں سنسکاری بھارتی کی طرف سے "انگ کلا مہوتسو" کے نام پر ایک ثقافتی پروگرام کا اہتمام کیا گیا۔ جس کا مقصد اَنگ ریاست کی وراثت کو پھر سے زندہ کرنا اور بچوں میں اس کے تعلق سے بیداری پیدا کرنا تھا۔ اس کلچرل پروگرام کا افتتاح بہار اسمبلی کے اسپیکر نند کشور یادو اور کھگڑیا سے ایل جے پی کے رکن پارلیمنٹ راجیش ورما نے کیا۔ اس موقع پر نند کشور یادو نے کہا کہ ہم فطرت کے پرستار ہیں، ہمیں اپنے خاندان سے ہی ماحولیاتی تحفظ کا احساس ملتا ہے۔ لیکن ہماری ثقافت کو ہمارے ہی کچھ لوگ تباہ کر رہے ہیں۔ انہوں نے کہا کہ لذت پر مبنی طرز زندگی کی وجہ سے نہ صرف خاندان ٹوٹ رہے ہیں بلکہ رشتوں میں خود غرضی بھی رینگ رہی ہے۔
واضح رہے کہ قدیم انگا کے علاقے کی زبان کو 'انگیکا' کہا جاتا ہے۔ ہندوستان میں تقریباً سات لاکھ انگیکا بولنے والے لوگ ہیں۔ اس زبان کو اس کے مقامی دارالحکومت کی وجہ سے اس کا نام 'بھگلپوری' پڑ گیا۔ اس کے علاوہ انگیکا کو 'انگی'، 'انگیکار'، 'چکا چکی' اور 'اپبرنشا' بھی کہا جاتا ہے۔ انگیکا کی ذیلی زبانیں ہیں- 'دیشی'، 'دکھنہ'، 'منگریا'، 'دیوگھریا'، 'گیدھوریا'، 'دھرمپوریہ'۔ اکثر کسی زبان کا نام اس جگہ سے رکھا جاتا ہے جہاں وہ بولی جاتی ہے۔
یہ بھی پڑھیں:
بھاگلپور-کہلگاوں کو جوڑنے والا این ایچ سیلاب میں ٹوٹ گیا، آمدورفت متاثر - Bhagalpur Flood
