علیگڑھ: علیگڑھ مسلم یونیورسٹی کی وائس چانسلر پروفیسر نعیمہ خاتون نے ایم اے ایس میں ڈینٹل کلینک شروع کرنے پر ڈائریکٹر اور ان کی ٹیم کو مبارکباد پیش کی۔ ایم اے ایس، یونیورسٹی کے عملے کے اراکین، ان کے اہل خانہ اور پنشن یافتگان کو طبی خدمات فراہم کرتا ہے۔ ایم اے ایس کے ڈائریکٹر پروفیسر حماد عثمانی نے کہا کہ یہ کلینک ڈاکٹر ضیاء الدین احمد ڈینٹل کالج کے شعبہ پیریوڈونشیا و کمیونٹی ڈینٹسٹری کے تعاون سے شروع کی گئی ہے، جہاں پر دانتوں کے باقاعدہ چیک اپ اور صفائی، منھ کی صحت کے مسائل، فلورائیڈ علاج، منھ کے کینسر کی جانچ وغیرہ کی سہولیات دستیاب ہوں گی۔
اے ایم یو وائس چانسلر نے ایم اے ایس میں ڈینٹل کلینک کا افتتاح کیا (ETV Bharat Urdu) یہ بھی پڑھیں:
اے ایم یو نے سو سال میں سو سے زائد وائس چانسلر اور چانسلر پیدا کئے ہیں - Aligarh Muslim University
ڈاکٹر حماد نے کہا کہ ایم اے ایس سروس میں تقریباً 75,000 مستفیدین کو طبی سہولیات فراہم کی جاتی ہیں۔ جن میں تدریسی اور غیر تدریسی عملہ کے اراکین، ان کے زیر کفالت اہل خانہ اور پنشنرز شامل ہیں۔ انہوں نے کہا کہ بدھ اور جمعرات کو ایم اے ایس ڈینٹل کلینک میں مریضوں کا معائنہ کیا جائے گا۔ جب کہ گرمیوں کی چھٹیوں کے دوران یہ کلینک صرف جمعرات کو کھلے گا۔ ڈینٹل کلینک میں ڈاکٹر نیہا اگروال، ڈاکٹر پرمود کمار یادو، ڈاکٹر سید امان علی اور شعبہ پیریوڈونیشیا و کمیونٹی ڈینٹسٹری کے انٹرنز خدمات فراہم کریں گے۔
اس موقع پر محمد عمران رجسٹرار، پروفیسر ایم محسن خان، فائنانس آفیسر، پروفیسر وینا مہیشوری، ڈین فیکلٹی آف میڈیسن، پروفیسر آر کے تیواری، پرنسپل، ڈاکٹر زیڈ اے ڈینٹل کالج، پروفیسر رفیع الدین، ڈی ایس ڈبلیو، پروفیسر ایم وسیم علی، پراکٹر، پروفیسر نیہا اگروال، چیئرپرسن، شعبہ پیریڈونشیا و کمیونٹی ڈینٹسٹری، پروفیسر این ڈی تیواری اور پروفیسر ذکی انور صدیقی، اور ایم آئی سی لینڈ اینڈ گارڈنز موجود تھے۔
