مظفر نگر:سی بی ایس سی بورڈ امحتان میں نمایاں کارنامہ انجام دینےپر علیزہ عباسی کے والد ڈاکٹر عبدالقادر اور والدہ افسانہ عباسی کا کہنا ہے کہ بیٹی کی کامیابی کے پیچھے اساتذہ اور ہماری دعائیں ہیں۔ بیٹی نے کڑی محنت کی اور اس کا پھل اسے ملا۔
وہی اسکول ٹاپر علیزہ عباسی نے کہا کہ میں نے سی بی ایس سی ہائی اسکول کے امتحان میں بھی اسکول ٹاپ کیا تھا۔ میں روزانہ 12 سے 14 گھنٹے پڑھتی ہوں۔میرے والدین پڑھائی میں بھرپور تعاون کرتے ہیں کیونکہ میرے والد جو پیشے سے ایک ڈاکٹر ہیں وہ چاہتے تھے کہ میں ٹاپ کروں اور ڈاکٹر بنوں ۔یہی وجہ ہے کہ میں نے انٹرمیڈیٹ امتحان کے ساتھ ساتھ نیٹ کی تیاری کر رہی ہوں۔
انہوں نے کہاکہ میری اس کامیابی سے میرے سبھی اساتذہ ،دوستوں اور رشتہ دار بہت خوش ہیں ۔مبارکباد دے رہے ہیں۔ انہوں نے بتایا کہ نیٹ ایگزام پاس کر کے میں ڈاکٹر بننا چاہتی ہوں اور ملک کا نام روشن کرنا چاہتی ہوں۔
یہ بھی پڑھیں:حجابی طالبات نے سی بی ایس ای امتحانات میں بازی ماری - Hijabi students perform brilliantly
ڈاکٹر عبدالقادر عباسی نے کہا کہ میں اللہ کا شکر ادا کرتا ہوں کہ اللہ نے میری بیٹی کو سی بی ایس سی کی انٹرمیڈیٹ ایگزام میں ٹاپ کرایا۔ میری بیٹی کی دلی خواہش ہے کہ وہ ڈاکٹر بنے۔ یہی وجہ ہے کہ اس نے انٹرمیڈیٹ ایگزام کے ساتھ ساتھ نیٹ کی تیاری کر رہی ہے ۔اس کے نتائج جلدی ہی آئیں گے۔
