علیگڑھ:علی گڑھ مسلم یونیورسٹی (اے ایم یو) کے حبیب ہال میں سینیئر رسرچ اسکالرز کو ہال انتظامیہ نے دیر رات زبردستی ہال سے باہر نکالنے کی کوشش کی گئی۔اس کے دوران طلباء کے ساتھ بدتمیزی اور بدسلوکی بھی کی گئی۔ ایسا رسرچ اسکالرز کا کہنا ہے۔ اس کے فورا بعد ہی طلبا نے گزشتہ دیر رات وائس چانسلر لاج کا گھیراؤ کرکے زبردست احتجاج کیا تھا۔
اے ایم یو انتظامیہ بھی موقع پر پہنچ گئی، پراکٹر اور ڈی ایس ڈبلیو نے طلباء کو ہر ممکن مدد کی یقین دہانی کرائی، اس کے بعد آج دوپہر اے ایم یو ڈین اسٹوڈنٹس ویلفیئر (ڈی ایس ڈبلیو) دفتر میں ڈی ایس ڈبلیو پروفیسر رفیع الدین نے طلباء کے ساتھ میٹنگ کی اور ہال میں مزید رکنے سے متعلق انکے مطالبہ کی درخواست دینے کی حدایت دی جس کے بعد ان کو پرا کرنے کی بات کہیں۔
سوال کے جواب میں ڈی ایس ڈبلیو نے بتایا گزشتہ دیر رات طلباء سے بدتمیزی کرنے والے وارڈن اور پرووسٹ کے خلاف سختی کی جائے گی۔میٹنگ کے بعد رسرچ اسکالرز نے بتایا کہ کووڈ کے سبب کچھ رسرچ اسکالرز کا رسرچ کام نہیں ہوپایا تھا کیونکہ یونیورسٹی بند ہو گئی تھی, اس لئے رسرچ اسکالرز کو مزید وقت چاہئے تاکہ ہم اپنی رسرچ کا کام مکمل کرسکے اسی لئے ہم ہال میں رہنا چاہتے ہیں۔
یہ بھی پڑھیں:اے ایم یو اقامتی ہالز کی صفائی و تزئین کا پہلا مرحلہ مکمل
وہیں کچھ طلباء نے بتایا ایسا پہلی بار ہوا کے رسرچ اسکالرز کو دیر رات زبردستی ہال سے اس طرح نکالنے کی کوشش کی گئی ہو, صبح نوٹس چسپاں کیا رات کے اندھیرے میں باہر نکالنے کی کوشش کی ۔اس کے دوران سینیئر رسرچ اسکالرز سے بدتمیزی کی گئی ہے۔ ہمارا مطالبہ ہے کہ انتظامیہ بدتمیزی کرنے والوں کے خلاف ایکشن لے۔
