ہوٹل ڈھابوں کے بعد ٹائر پنچر والوں نے بھی لگائی نیم پلیٹ - kanwad yatra name plate issue

کانوڑ یاترا کو لیکرملک بھر میں سیاست گرم ہے۔ پہلے نیم پلیٹ کا فرمان ڈھابو اور پھل سبزی والوں پرلاگو تھا۔ جب کہ اب چائے پان اور پنچر والوں پر بھی لاگو ہو گیا ہے۔

مظفرنگر: کانوڑ یاترا کو لے کر مظفر نگر پولیس کے ذریعے جاری کیا گیا نیم پلیٹ کا فرمان ہوٹل ڈھابو اور پھل سبزی والوں پر ہی نہیں بلکہ کانوڑ کے راستے پر ٹی اسٹال پان اور ٹائر پنچر والے چھوٹے غریب دکانداروں پر بھی لاگو کیا جارہا ہے۔ بڑے دکاندار کے ساتھ ساتھ ٹائر پینچر والوں نے بھی اپنی دکان اور کھوکے پر نیم پلیٹ لگانا شروع کر دیے۔

مظفر نگر کے شہر کوتوالی علاقے میں واقع کانوڑ راستے پر کمپنی گارڈن کے ٹھیک سامنے گزشتہ کئی برسوں سے ٹائر پنچر کا کام کرنے والے محمد سلیم بتاتے ہیں کہ گزشتہ کئی سال سے کمپنی گارڈن کے ٹھیک سامنے ٹائر پنچر کا کام کرتے ہیں۔ گزشتہ روز یعنی کل ان کے پاس کچھ پولیس والے آئے تھے اور انہوں نے کہا تھا کہ اپ اپنی دکان کے باہر اپنے نام کا بورڈ لگا لیجیے۔

اس لیے ہم نے سلیم ٹائر پنچر کے نام سے بورڈ لگا لیا ہے۔ سلیم کا کہنا ہے کہ یہ حکومت کا فرمان ہے تو ماننا پڑے گا ہی کیونکہ مزدوری کر کے روزی روٹی کمانی ہے، تو اس لیے ہم نے کوئی پریشانی نہیں ہے۔ حکومت کا جو بھی فرمان ہوگا اسے ہم مانیں گے کیونکہ ہم مزدور ہیں اور ہمیں مزدوری کرنی ہے۔

واضح رہے کہ اس معاملے میں سپریم کورٹ کا عبوری فیصلہ آنے کے بعد اب دکانداروں کو ریاستی حکومت اور انتظامیہ کے اس راج شاہی فرمان سے نجات ملے گی۔