کولکاتا:مغربی بنگال کے مرشدآباد ضلع کے بہرامپور سے کانگریس کے رکن پارلیمان ادھیر رنجن چودھری نے ترنمول کانگریس کا نام لئے بغیر انڈیا اتحاد کو توڑنے کا براہ راست الزام لگایا۔آپ نے انڈیا اتحاد کو کمزور بنانے کے لئے پہلے آئی اور بعد میں واپس چلیں گئی۔تمام چیزیں عوام کے سامنے ہیں۔ کسی سے کچھ نہیں چھپا ہے۔
ادھیر چودھری نے کہاکہ اروند کیجریوال اور ہیمنت سورین نے انڈیا اتحاد کو مضبوط بنانے کی ہر ممکن کوشش کی اسی وجہ سے ان دونوں کو سیاسی انتقام کا نشانہ بنایا گیا۔دونوں آج جیل میں ہیں لیکن آپ کی کیا مجبوری تھی آپ انڈیااتحاد سے الگ ہو گئیں۔ کانگریس کے رہنما نے کہاکہ آپ خود کہتی ہیں کہ میں نے اپوزیشن جماعتوں کے اتحاد کو نام دیا۔آپ نے پریس کانفرنس کے دوران یہ کہا تھا کہ راہل گاندھی ہمارا رہنما ہیں لیکن اچانک ایسا کیا ہوگیا،کیا مجبوری آگئی کہ انڈیا اتحاد سے الگ ہوگئیں.لکشمی بھنڈار کے نام پر غریب خواتین کو دھوکہ دیا جا رہا ہے۔
یہ بھی پڑھیں:کانگریس نے لوک سبھا انتخابات کے لیے 17 امیدواروں کا اعلان کیا - Congress candidate List
انہوں نے کہاکہ اگر انڈیا اتحاد اقتدار میں آتا ہے تو مغربی بنگال کی خواتین کے لئے خصوصی ترقیاتی اسکیم کا اعلان کیا جائے گا۔حکومت بے روزگار نوجوانوں کو تربیت دینے کے ساتھ ساتھ روزگار دیے گی ۔نوجوانوں کو خود کفیل بنانے کے منصوبے پر کام کیا جائے گا۔
