اجمیر: اس مرتبہ اجمیر شریف درگاہ پر شیخ صاحب اپنے خاندان کے ساتھ پہنچے ہیں جہاں انہوں نے صوفی حضرت خواجہ معین الدین چشتی رحمۃ اللہ علیہ کی بارگاہ میں عقیدت کی چادر پیش کرتے ہوئے حاضری دی۔ درگاہ کے خادم سید عارف حسین عثمانی اشرفی چشتی نے انہیں زیارت کروائی اور ان کی دستار بندی کی۔
اس موقعے پر سید کاشف حسین چشتی نے انہیں تبرک بھی پیش کیا۔ زیارت کے بعد شیخ صاحب نے میڈیا سے گفتگو میں بتایا کہ سلطان الہند حضرت خواجہ غریب نواز رحمت اللہ علیہ کے دربار میں زیارت کے بعد سرواڑ شریف درگاہ میں حاضری دینے جائیں گے جہاں حضرت سیدنا خواجہ فقر الدین چشتی رحمت اللہ علیہ کی درگاہ ہے۔
غور طلب ہے کہ حضرت خواجہ فخر الدین سرواڑی رحمۃ اللہ علیہ اجمیر شریف درگاہ حضرت خواجہ غریب نواز رحمت اللہ علیہ کے بڑے صاحبزادے ہیں۔ بلند دروازہ کو لے کر مختلف انداز میں خوبصورت ڈیزائننگ اور حفاظتی اعتبار سے کام کیا گیا ہے۔ عبدالمنان شیخ صاحب اسی سلسلے میں اجمیر آئے ہیں۔ ان کے ساتھ ان کے بیٹے آفتاب منان شیخ اور ان کی فیملی ممبرز بھی موجود رہے۔
واضح رہے کہ تارک مہتا کا الٹا چشمہ کے اداکار عبدل کی اجمیر شریف درگاہ پر حاضری - Sharad Sankhla Visit Ajmer Sharif
غور طلب ہے کہ شیخ صاحب نے سرواڑ شریف درگاہ میں محفل خانہ، پانی کی سبیل، وضو خانہ سمیت زائرین کے لیے دلان اور خواجہ غریب نواز بلند دروازہ تعمیر کروایا ہے۔ ان سب خدمات کو لے کر شیخ صاحب بہت خوش ہیں اور حضرت بابا فقر کی نظر عنایت سے فخر محسوس کرتے ہیں۔
