علیگڑھ: سر سید گلوبل اسکالر ایوارڈ (ایس ایس جی ایس اے) سالانہ سر سید ایجوکیشن سوسائٹی آف نارتھ امریکہ کے زیر انتظام ہے، جو ایک 501 (C) (3) غیر منافع بخش تنظیم ہے۔ یہ ایوارڈ تمام فیکلٹیز سے علی گڑھ مسلم یونیورسٹی (اے ایم یو) کے طلباء اور سابق طلباء کو دیا جاتا ہے۔ اس ایوارڈ کے سابق مستفیدین اور ایس ایس جی ایس اے پروگرام کے شریک چیئرز ڈاکٹر سجاد شیخ اور سچن گپتا نے بتایا کہ مستفیدین کا انتخاب تعلیمی کارکردگی، تحقیق یا کام کے تجربے، انٹرن شپ اور نصابی و ہم نصابی سرگرمیوں کی بنیاد پر 13 اسیسمنٹ پینلز نے کیا۔
یہ بھی پڑھیں:
SSGSA Award پچیس طلباء کو سر سید گلوبل اسکالر ایوارڈ سے نوازا
ڈاکٹر شیخ اور گپتا نے انتخاب کے عمل کو خوش اسلوبی کے ساتھ انجام دینے میں بھرپور تعاون کے لیے اے ایم یو انتظامیہ کا شکریہ ادا کیا۔ انھوں نے بتایا کہ ایس ایس جی ایس اے اسکالرشپ کے مستفیدین کو بیرون ملک اعلیٰ تعلیم کے لیے درخواست دینے کے عمل میں تعاون کے ساتھ ساتھ مالی مدد فراہم کی جائے گی۔ مطلوبہ معیاری ٹیسٹ جیسے کہ جی آر ای / جی میٹ، ٹوئفل /آئی ایل ایل ٹی ایس میں مدد کے ساتھ مستفیدین کو اپنی پسند کی پانچ یونیورسٹیوں میں داخلہ کی خاطر درخواست جمع کرنے کے لیے درکار فیس بھی ادا کی جائے گی۔ سر سید گلوبل اسکالر ایوارڈ کے بارے میں مزید معلومات ویب سائٹ www.ssgsa.us یا ای میل contact@ssgsa.us سے حاصل کی جاسکتی ہے۔
سر سید گلوبل اسکالر ایوارڈ (ایس ایس جی ایس اے) کی ٹیم علی گڑھ مسلم یونیورسٹی کے مقصد کو دو محاذوں پر آگے بڑھانے کی بھرپور کوشش کرتی ہے:
1۔ ہونہار طلباء کی رہنمائی اور مالی مدد کرنا تاکہ وہ دنیا بھر کے ممتاز گریجویٹ پروگراموں میں داخلہ حاصل کرنے میں کامیاب ہوں۔
2۔ تعلیمی سرپرستوں کے ہمارے مضبوط باضابطہ نیٹ ورک کو بڑھانا جو اپنی متعلقہ یونیورسٹیوں اور تنظیموں میں اے ایم یو کے برانڈ ایمبیسیڈر کے طور پر بھی کام کرتے ہیں جہاں انہیں اپنی تعلیم مکمل کرنے کے بعد رکھا جاتا ہے۔
