ہرارے:ہندوستان اور زمبابوے کے درمیان 6 جولائی سے 5 میچوں کی ٹی 20 سیریز کھیلی جائے گی۔ زمبابوے نے اس پانچ میچوں کی ٹی ٹوئنٹی سیریز کے لیے اپنی ٹیم کا اعلان کر دیا ہے۔ آل راؤنڈر سکندر رضا کو اس ٹیم کا کپتان بنایا گیا ہے۔ اس کے ساتھ ٹنڈائی چتارا، رچرڈ نگروا اور ملٹن شمبا جیسے بہترین کھلاڑیوں کو ٹیم میں موقع دیا گیا ہے۔
سکندر رضا کو ہندوستان کی جانب سے شبمن گل کا چیلنج درپیش ہو گا۔ ہندوستان نے نئے دور کی ٹیم انڈیا کا اعلان کیا تھا جس کی کمان شبمن گل کے ہاتھ میں دی گئی تھی۔ روہت شرما، وراٹ کوہلی اور رویندر جڈیجہ جیسے تجربہ کار کھلاڑی ٹی20 ورلڈ کپ کے بعد ٹی 20 انٹرنیشنل کرکٹ سے ریٹائر ہو چکے ہیں۔ اب ایسے میں ٹیم انڈیا کا ایک نیا دور شروع ہوا ہے، جہاں ہندوستانی ٹیم نئی اوپننگ جوڑی اور نمبر تین کے ساتھ نظر آنے والی ہے۔
زمبابوے کرکٹ بورڈ کی جانب سے اعلان کردہ ٹی 20 ٹیم میں بیلجیم نژاد انتم نقوی کی شمولیت قابل ذکر ہے۔انتم نقوی نے اب سات میچ کھیلے ہیں۔انہوں نے 148.80 کے اسٹرائیک سے رن بنائے ہیں۔
زمبابوے اسکواڈ: سکندر رضا (کپتان)، فراز اکرم، برائن بینیٹ، جوناتھن کیمبل، ٹینڈائی چتارا، لیوک جونگوے، انوسنیٹ کائیا، کلائیو مڈاندے، ویزلی مدھویرے، تادیواناشے مارومانی، ویلنگٹن مساکادزا، برینڈن ماوتا، بلیسنگ ماؤٹا، بلیسنگ ماؤٹا، انتم نقوی، رچرڈ نگروا، ملٹن شمبا۔
ہندوستانی ٹیم: شبمن گل (کپتان)، یشسوی جیسوال، رتوراج گائیکواڑ، ابھیشیک شرما، رنکو سنگھ، سنجو سیمسن (وکٹ کیپر)، دھرو جورل (وکٹ کیپر)، نتیش ریڈی، ریان پراگ، واشنگٹن سندر، روی بشنوئی، اویش خان، خلیل احمد۔ ، مکیش کمار، تشار دیشپانڈے۔
یہ بھی پڑھیں:دورہ زمبابوے کے لیے بھارتی ٹیم کا اعلان، شبمن گل کو ٹیم کی کمان
