نئی دہلی: کرکٹ کی دنیا نے دوستی کی کئی خوبصورت مثالیں دیکھی ہیں، ایم ایس دھونی اور سریش رائنا کی دوستی بھی ان میں سے ایک ہے۔ ان کی دوستی نہ صرف میدان میں ہی نظر آتی ہے بلکہ میدان سے باہر بھی نظر آتی ہے۔ ان کی دوستی کا انداز اس بات سے بھی لگایا جا سکتا ہے کہ چنئی میں دھونی کو 'تھالا' اور رائنا کو 'چِنا تھالا' کے نام سے جانا جاتا ہے۔
سریش رائنا نے اپنی کتاب (Believe) میں لکھتے ہیں کہ سابق بھارتی کپتان کے ساتھ ان کی دوستی کی بنیاد 2005 کی دلیپ ٹرافی کے دوران شروع ہوئی۔ اس وقت فروری 2005 میں گوالیار میں ایک میچ کھیلا جا رہا تھا جس میں رائنا دھونی کے اعتماد اور جارحانہ کھیل کے انداز سے بہت متاثر ہوئے۔ اس کے بعد دونوں کو سینیئر بھارتی ٹیم کے لیے بنگلورو میں لگائے گئے کیمپ میں ایک ساتھ دیکھا گیا۔ وقت کے ساتھ ساتھ ان کی دوستی اتنی بڑھی کہ وہ انٹرنیشنل ٹور پر ہوٹلوں میں ایک کمرہ بھی شیئر کرنے لگے۔
MS Dhoni & Suresh Raina retired together " otd in 2020" from international cricket 🇮🇳
— Johns. (@CricCrazyJohns) August 15, 2024
- best friends forever, iconic duo...!!!!! pic.twitter.com/264YnZwEBj
دھونی اور رائنا 15 اگست کو ریٹائرمنٹ کا اعلان کیا
ایم ایس دھونی نے اپنا آخری بین الاقوامی کرکٹ میچ جولائی 2019 میں نیوزی لینڈ کے خلاف کھیلا تھا اور پھر وہ ایک سال سے زائد عرصے تک کرکٹ سے دور رہے، لیکن 15 اگست 2020 یعنی 74ویں یوم آزادی کے موقع پر ایم ایس دھونی نے انسٹاگرام پر ایک ویڈیو شیئر کرتے ہوئے کرکٹ سے ریٹائرمنٹ کا اعلان کردیا۔
کرکٹ کے شائقین ابھی دھونی کی ریٹائرمنٹ کی خبر سے باہر بھی نہیں نکلے تھے کہ اسی دن چند گھنٹوں بعد سریش رائنا نے بھی انسٹاگرام پر ایک ویڈیو شیئر کرتے ہوئے ریٹائرمنٹ کا اعلان کردیا۔ جس ویڈیو کے کیپشن میں انہوں نے لکھا کہ وہ کرکٹ کو الوداع کہہ رہے ہیں۔
The emotional retirement video of MS Dhoni.
— Johns. (@CricCrazyJohns) August 15, 2023
- He included his highs, lows, friends & everything included in his 16 years of career. pic.twitter.com/MkI33ZaZ57
دونوں نے 15 اگست کو ریٹائرمنٹ کیوں لی؟
سریش رائنا نے کافی عرصہ قبل میڈیا کو دیے گئے ایک انٹرویو میں 15 اگست کو اپنی ریٹائرمنٹ کی وجہ بتاتے ہوئے کہا تھا کہ 'ہم نے پہلے ہی 15 اگست کو ریٹائرمنٹ لینے کا فیصلہ کر لیا تھا۔ دراصل دھونی کی جرسی کا نمبر 7 ہے اور میری جرسی کا نمبر 3 ہے۔ دونوں ایک ساتھ ملک 73 ہوتے ہیں اور 15 اگست 2020 کو بھارت کی آزادی کے 73 سال مکمل ہو گئے۔ میرے مطابق ریٹائرمنٹ کے لیے اس سے بہتر دن نہیں ہو سکتا تھا۔
واضح رہے کہ سریش رائنا اس بھارتی ٹیم کا حصہ تھے جس نے 2011 کا ورلڈ کپ جیتا تھا لیکن ایم ایس دھونی کو 2007 کے ٹی ٹوئنٹی ورلڈ کپ سے پہلے کپتان بنایا گیا تھا اور انہوں نے بھارت کو فتح سے ہمکنار بھی کیا۔ اس کے علاوہ بھارت نے دھونی کی کپتانی میں 2011 کا ون ڈے ورلڈ کپ اور 2013 کی چیمپئنز ٹرافی بھی جیتی۔
یہ بھی پڑھیں |
