نئی دہلی: پیرس اولمپکس سے واپس آنے کے بعد اب یہ خبریں گردش کر رہی ہے کہ اسٹار ریسلر ونیش پھوگاٹ ممکنہ طور پر ہریانہ اسمبلی کا الیکشن لڑ سکتی ہیں۔ ان کے قریبی لوگوں نے نیوز ایجنسی آئی اے این ایس کو یہ اطلاع دی۔ لیکن ونیش نے پہلے ہی یہ کہہ دیا تھا کہ وہ سیاست میں قدم نہیں رکھنے والی ہیں۔
تجربہ کار پہلوان نے پیرس اولمپکس میں خواتین کے 50 کلوگرام ایونٹ میں 100 گرام وزن زیادہ ہونے کی وجہ سے فائنل میچ سے قبل نااہل ہونے کے بعد طلائی تمغہ جیتنے کا موقع کھو دیا تھا۔ لیکن وطن واپسی کے بعد ونیش کا ایک چیمپیئن کھلاڑی کی طرح سے اسقبال کیا گیا۔
لیکن ابھی تک اس بات کی تصدیق نہیں ہوسکی ہے کہ ونیش پھوگاٹ کس سیاسی پارٹی میں شامل ہوں گی۔ تاہم، پھوگاٹ خاندان کے قریبی ذرائع نے آئی اے این ایس کو بتایا کہ ہریانہ اسمبلی الیکشن میں ونیش پھوگاٹ بمقابلہ ببیتا پھوگاٹ اور بجرنگ پونیا بمقابلہ یوگیشور دت کے درمیان سیاسی میچ دیکھنے کو مل سکتا ہے۔
#WATCH | Haryana: Indian wrestler Vinesh Phogat receives a warm welcome as she arrives at her village Balali in Charkhi Dadri.
— ANI (@ANI) August 17, 2024
She had arrived in Delhi from Paris on Saturday morning after participating in the #Olympics2024Paris. pic.twitter.com/MgmGcHoYqt
واضح رہے کہ ونیش پھوگاٹ کا ہفتہ کے روز وطن واپسی پر دہلی سے لیکر ان کے گاوں بلالی تک پرتپاک استقبال کیا گیا تھا۔ ونیش نے ہفتہ کے روز کہا تھا کہ ہماری لڑائی ابھی ختم نہیں ہوئی ہے میں بھگوان سے دعا کرتی ہوں کہ سچائی کی فتح ہو۔ اس سے قبل ونیش نے ریٹائرمنٹ واپس لینے کا بھی اشارہ دے چکی ہیں۔
قابل ذکر ہے کہ ہریانہ میں تمام 90 اسمبلی نشستوں پر یکم اکتوبر کو ووٹنگ ہوگی اور انتخابی نتائج کا اعلان 4 اکتوبر کو کیا جائے گا۔
