دبئی: ٹی 20 ورلڈ کپ 2024 میں دو دن باقی ہیں۔ اس سے پہلے آئی سی سی ہندوستانی ٹیم کے کرکٹرز کو کئی ایوارڈ سے نوازا۔ آئی سی سی نے کرکٹ کے تینوں فارمیٹس کی ٹیم آف دی ایئر 2023 کا اعلان کر دیا ہے جس میں ہندوستان کے 7 کھلاڑیوں کو مختلف فارمیٹس میں جگہ ملی ہے۔ آئی سی سی نے ان کھلاڑیوں کی تصاویر انسٹاگرام پر بھی پوسٹ کی ہیں۔
ہندوستان کے 360 ڈگری کھلاڑی کے نام سے مشہور سوریہ کمار یادو کو بہترین بلے باز اور بالر ارشدیپ سنگھ کو سال کے بہترین ابھرتے ہوئے نجوان گیندباز کا ایوارڈ دیا گیا ہے۔ اس کے ساتھ ہی سوریہ کمار یادو کو ٹی20 کرکٹر آف دی ایئر کا ایوارڈ بھی دیا گیا۔ دونوں کھلاڑیوں کو آئی سی سی منز ٹی 20 ٹیم آف دی ایئر میں جگہ ملی ہے۔
سوریا کمار نے گزشتہ سال ٹی 20 میں شاندار کارکردگی کا مظاہرہ کرتے ہوئے 17 میچوں میں 48 کی اوسط اور 155 کے اسٹرائیک ریٹ سے 744 رنز بنائے۔ اس سے قبل 2022 میں بھی سوریا کو یہ ایوارڈ ملا تھا۔
یہ بھی پڑھیں:ٹی ٹوئنٹی ورلڈ کپ کی بیس ٹیمیں، کس گروپ میں کون سی ٹیم؟ -
اس کے علاوہ ہندوستانی ٹیم کے کپتان روہت شرما، شبمن گل، کلدیپ یادیو اور محمد سراج کو آئی سی سی ون ڈے ٹیم آف دی ایئر کی کیپ ملی ہے۔ روہت شرما نے یہ کیپ کلدیپ یادو کو بہت ہی مزاحیہ انداز میں دی۔ جس کی ویڈیو سوشل میڈیا پر وائرل ہوگئی۔ چار ہندوستانی کھلاڑیوں کو آئی سی سی کے ذریعہ منتخب کردہ سال 2023 کے ون ڈے کے پلیئنگ 11 میں جگہ ملی ہے۔
