ممبئی: ہندوستانی کرکٹ ٹیم کے اسٹار بلے باز سوریہ کمار یادیو کو سری لنکا کے خلاف 3 میچوں کی ٹی ٹوئنٹی سیریز کے لیے کپتان بنا دیا گیا ہے۔سوریہ کو ہاردک پانڈیا سے آگے رکھتے ہوئے ٹی20 فارمیٹ کی کپتانی سونپی گئی ہے۔ اب کپتانی ملنے کے بعد سوریہ کمار یادو نے اپنے سوشل میڈیا پر ایک پوسٹ کی ہے۔ اپنے انسٹاگرام اکاؤنٹ سے پوسٹ کرتے ہوئے انہوں نے مداحوں کا اس نئے کردار اور ان پر اعتماد ظاہر کرنے پر شکریہ ادا کیا ہے۔
پوسٹ کرتے ہوئے سوریہ نے لکھا کہ آپ سب کی محبت، حمایت اور نیک خواہشات کے لیے بہت بہت شکریہ۔ پچھلے کچھ ہفتے کسی خواب سے کم نہیں رہے اور میں واقعی شکر گزار ہوں۔ ملک کے لیے کھیلنا سب سے خاص احساس ہے جسے میں الفاظ میں بیان نہیں کر سکوں گا۔ یہ نیا کردار اپنے ساتھ بہت زیادہ ذمہ داری، جوش لے کر آتا ہے۔
Instagram post by Indian T20I Captain SURYAKUMAR YADAV 🇮🇳 pic.twitter.com/jDHAjqDvfX
— Johns. (@CricCrazyJohns) July 19, 2024
غور طلب ہے کہ سوریہ کمار یادیو اس وقت ٹی 20 کرکٹ میں دنیا کے نمبر 2 بلے باز ہیں۔ وہ طویل عرصے سے نمبر ایک کی پوزیشن پر قابض تھے۔ اب بطور کپتان وہ ٹیم کو مزید بلندیوں پر لے جانا چاہیں گے۔ ہندوستان نے 29 جون کو ٹی20 ورلڈ کپ 2024 کا خطاب جیتا تھا، سوریہ اس ورلڈ کپ جیتنے والی ٹیم کا حصہ ہیں۔
یہ بھی پڑھیں:بھارت نے پاکستان کو یکطرفہ مقابلے میں 7 وکٹوں سے شکست دیدی، دیپتی شرما بنی جیت کی ہیرو
سری لنکا کے دورے پر ان کے ساتھ شبمن گل نائب کپتان کے کردار میں نظر آئیں گے۔ وہیں سابق ٹی 20 کپتان اور ٹی 20 ورلڈ کپ 2024 کے نائب کپتان ہاردک پانڈیا ٹیم میں بطور کھلاڑی کھیلتے نظر آئیں گے۔سوریہ نے بھارت کے لیے 68 ٹی ٹوئنٹی میچوں کی 65 اننگز میں 4 سنچریوں اور 19 نصف سنچریوں کی مدد سے 2340 رنز بنائے ہیں۔ ٹی ٹوئنٹی میں ان کی اوسط 43.3 اور اسٹرائیک ریٹ 167.7 ہے۔ سوریہ نے پہلے 7 ٹی 20 میچوں میں ہندوستان کی کپتانی کی ہے۔ اس دوران انہوں نے 5 میچ جیتے ہیں۔
