اینٹیگا: ٹی ٹوئنٹی ورلڈ کپ کے 19ویں میچ میں اسکاٹ لینڈ نے عمان کو شکست دے کر پہلی جیت درج کر لی۔ اس میچ میں عمان نے پہلے بیٹنگ کرتے ہوئے مقررہ 20 اوورز میں 150 رن بنائے جس کے جواب میں اسکاٹ لینڈ نے یہ سکور 41 گیندیں باقی رہ کر 3 وکٹوں کے نقصان پر 13.1 اوورز میں ملطوبہ ہدف حاصل کر لیا۔
عمان کی جانب سے اوپنر پرتیک نے نصف سنچری کھیلی جو پہلے بیٹنگ کرنے آئے۔ پرتیک نے 40 گیندوں میں 2 چھکوں اور 5 چوکوں کی مدد سے 54 رنز بنائے۔ اس کے علاوہ اومان کے بلے باز آیان خان نے بھی شاندار اننگز کھیلی اور 39 گیندوں پر 41 رنز بنائے۔
ان دونوں بلے بازوں کی اننگز کی بدولت عمان 20 اوورز میں 150 رنز بنانے میں کامیاب رہا۔ اس کے علاوہ نسیم خوشی 10، عاقب الیاس 16، ذیشان مقصود 3، خالد کائل 5، اور مہران خان نے 13 رنز بنائے۔
151 رنز کے ہدف کے تعاقب میں اسکاٹ لینڈ نے شروع سے ہی جارحانہ رویہ اپنایا اور تقریباً 8 اوورز باقی رہ کر میچ جیت لیا۔ ان کے بلے باز برینڈن میک کولن نے 31 گیندوں پر 61 رنز کی تیز اور جارحانہ اننگز کھیلی۔
اس کے علاوہ جارج منسی نے 20 گیندوں پر 41 رنز کی اننگز کھیلی۔ جس میں 4 چھکے اور 2 چوکے شامل تھے۔ اس کے ساتھ ہی مائیکل جانز اور کپتان رکی بیرنگٹن نے 16 اور 13 رنز کی اننگز کھیلی۔ برینڈن میکولن کو ان کی عمدہ کارکردگی کی بنیاد پر میچ کا بہترین کھلاڑی منتخب کیا گیا۔
یہ بھی پڑھیں:سنسنی خیز مقابلے میں بھارت نے پاکستان کو 6 رنز سے دی شکست، گیندبازوں کی شاندار کارکردگی - T20 World Cup 2024
آئی سی سی منز ورلڈ کپ 2024 کے گروپ بی میں اسکاٹ لینڈ تین میچوں میں دو جیت اور ایک ٹائی کی بدولت 5 پانچ پوائنٹ کے ساتھ پہلی پوزیشن پر ہے۔آسٹریلیا دو میچوںمیں دو جیت کی بدولت 4 چار پوائنٹ کے ساتھ دوسری اور انگلینڈ ایک پوائنٹ کے تیسری پوزیشن پر ہے۔عمان کی ٹیم تین میچ ہار کر ورلڈکپ سے باہر ہوگئی ہے
