دھرمشالہ:ہماچل پردیش کرکٹ ایسوسی ایشن اسٹیڈیم میں کھیلے گئے آئی پی ایل کے 58 ویں میچ میں رائل چیلنجرس بنگلورو نے شاندار کارکردگی کا مظاہرہ کرتے ہوئے پنجاب کنگز کو 60 رنوں سے شکست دے دی۔آر سی بی 12 میچوں میں پانچ جیت کی بدولت 10 پوائنٹ کے ساتھ ساتویں پوزیشن پر پہنچ گئی ہے۔
پہلے بیٹنگ کرتے ہوئے آر سی بی نے ویرات کوہلی کی 92 رنز کی شاندار اننگز کی بدولت مقررہ 20 اوورز میں 7 وکٹوں کے نقصان پر 241 رنز بنائے۔ جس کے جواب میں پنجاب کی ٹیم 17 اوورز میں 181 رنز پر ڈھیر ہو گئی اور 60 رنز سے میچ ہار گئی۔
پبجاب کنگز کی شروعات مایوس کن رہی اور چھ رنوں کے مجموعی اسکور پر پربھاسمرین سنگھ 6 رن بنا کر آوٹ ہو گئے۔اس کے بعد جانی بیرسٹو 27 رنوں کی اننگ کھیل کر پویلین لوٹ گئے۔پنل سنگھ نے ریلی روسو کو ایل بی ڈبلیو آؤٹ کر کے پنجاب کو تیسرا جھٹکا دیا۔ ریلی روسو 27 گیندوں پر 9 چوکوں اور 3 چھکوں کی مدد سے 61 رنز بنانے کے بعد پویلین لوٹ گئے۔
سشانت سنگھ 27 اور سیم کروین 22 رنوں کی اننگ کھیل کر جلد آوٹ ہوگئے۔پنجاب کنگز کی پوری ٹیم 17 ویں اوورز می 181 رن بنا کر آوٹ آل آوٹ ہوگئی ۔بنگلورو کی جانب سے محمد سراج تین وکٹ لے کر سب سے کامیاب گیندباز ثابت ہوئے۔اس کے علاوہ سپن نیل سنگھ ،لوکی فرگوسن اور کرن شرما کو دو دو وکٹ ملے۔
یہ بھی پڑھیں:وسیم اکرم نے خواہش کا اظہار کیا، روہت ممبئی انڈینز چھوڑ کر کے کے آر جوائن کریں - IPL 2024
اس سے قبل پنجاب کنگز کے خلاف پہلے بیٹنگ کرتے ہوئے رائل چیلنجرز بنگلورو نے مقررہ 20 اوورز میں 7 وکٹوں کے نقصان پر 241 رنز بنائے۔ آر سی بی کی جانب سے وراٹ کوہلی نے 47 گیندوں میں 7 چوکوں اور 6 چھکوں کی مدد سے 92 رنز کی اننگز کھیلی۔ وراٹ کے علاوہ راجت پاٹیدار نے بھی نصف سنچری بنائی۔ انہوں نے 23 گیندوں پر 3 چوکوں اور 6 چھکوں کی مدد سے 55 رنز کی اننگز کھیلی۔ کیمرون گرین نے بھی 27 گیندوں پر 5 چوکوں اور ایک چھکے کی مدد سے 46 رنز بنائے۔ پنجاب کنگز کی جانب سے ہرشل پٹیل نے 3 اور ودھاتھ کوارپا نے 2 وکٹیں حاصل کئے۔
