حیدرآباد: 207 رنز کے ہدف کے تعاقب میں حیدرآباد کی شروعات خراب رہی اور اس نے پہلے ہی اوور میں ٹریوس ہیڈ (1) کا وکٹ گنوا دیا۔ اس کے بعد چوتھے اوور میں ابھیشیک شرما 13 گیندوں پر تین چوکے اور دو چھکے لگا کر 31 رنز بنانے کے بعد پویلین لوٹ گئے۔ ایڈن مارکرم (7)، نتیش کمار ریڈی (13)، ہینرک کلاسن (7)، عبدالصمد (10)، بھونیشور کمار (13) رنز بنانے کے بعد آؤٹ ہوئے۔ حیدرآباد کے بلے بازوں نے وکٹ گرنے کے باوجود 10 رنز کی اوسط برقرار رکھی۔
لیکن وکٹوں کے مسلسل گرنے کی وجہ سے وہ آخری اوورز میں 10 رنز کی اوسط برقرار نہیں رکھ سکے۔ کپتان پیٹ کمنز نے 15 گیندوں میں ایک چوکا اور تین چھکے لگا کر 31 رنز بنائے۔ شہباز احمد 37 گیندوں پر 40 اور جے دیو انادکٹ آٹھ رنز بنا کر ناٹ آؤٹ رہے۔ حیدرآباد کی ٹیم مقررہ 20 اوورز میں آٹھ وکٹوں پر171 رنزہی بنا سکی اور 35 رنز سے میچ ہار گئی۔
بنگلورو کی جانب سے کیمرون گرین، سوپنل سنگھ اور کرن شرما نے دو دو وکٹیں حاصل کیں۔ یش دیال اور ول جیکس نے ایک ایک بلے باز کو آؤٹ کیا۔ اس سے قبل رائل چیلنجرز بنگلور نے سن رائزرز حیدرآباد کو جیت کے لیے 207 رنز کا ہدف دیا تھا۔
آج یہاں راجیو گاندھی انٹرنیشنل اسٹیڈیم میں رائل چیلنجرز بنگلور کے کپتان فاف ڈو پلیسس نے ٹاس جیت کر پہلے بلے بازی کا فیصلہ کیا۔ وراٹ کوہلی اور فاف ڈو پلیسی کی اوپننگ جوڑی نے پہلے وکٹ کے لیے 48 رنز جوڑے۔ چوتھے اوور میں تھنگارسو نٹراجن نے ڈو پلیسی کو آؤٹ کرکے حیدرآباد کو پہلی کامیابی دلائی۔ ڈوپلیسی نے 12 گیندوں پر 25 رنز کی اننگز کھیلی جس میں تین چوکے اور ایک چھکا لگایا۔
ساتویں اوور میں مینک مارکنڈے نے ول جیکس (6) کو بولڈ کرکے پویلین بھیج دیا۔ وراٹ اور رجت پاٹیدار نے تیسرے وکٹ کے لیے بڑی شراکت داری کرنے کی کوشش کی۔ اس دوران 13ویں اوور میں انادکٹ نے رجت پاٹیدار کو آؤٹ کردیا۔ رجت نے 20 گیندوں میں دو چوکوں اور پانچ چھکوں کی مدد سے 50 رنز بنائے۔ مہیپال لومرور (7)، دنیش کارتک 11 رنز بنانے کے بعد آؤٹ ہوئے۔ سوپنل سنگھ ناٹ آوٹ 12 اور کیمرون گرین نے 20 گیندوں میں پانچ چوکوں کی مدد سے ناقابل شکست 37 رنز بنائے۔ بنگلورو نے مقررہ 20 اوورز میں سات وکٹوں پر 206 رنز بنائے۔
یہ بھی پڑھین: رائل چیلنجرز بنگلور نے سن رائزرز حیدرآباد کو 207 رنز کا ہدف دیا
سن رائزرس حیدرآباد کی جانب سے جے دیو انادکٹ نے تین وکٹیں حاصل کیں۔ تھنگارسو نٹراجن کو دو وکٹ ملے۔ پیٹ کمنز اور مینک مارکنڈے نے ایک ایک بلے باز کو آؤٹ کیا۔ (یو این آئی)
