نئی دہلی: وزیر اعظم نریندر مودی نے جمعرات کو پیرس اولمپکس سے واپس آنے والے کھلاڑیوں سے اپنی رہائش گاہ پر ملاقات کی۔ اس دوران انہوں نے تمام کھلاڑیوں سے بات چیت بھی کی، جس کی ویڈیو آج پی ایم کے سوشل میڈیا اکاونٹ سے شیئر کی گئی ہے۔ 34 مینٹس کی ویڈیو میں پہلے کھلاڑیوں نے اپنے تاثرات کا اظہار کیا۔ اس کے بعد پی ایم نے اولمپکس میں کھلاڑیوں کی کارکردگی کی تعریف کی۔ قابل ذکر ہے کہ اس موقع پر وزیراعظم نے ونیش پھوگاٹ کا بھی ذکر کیا۔
The Indian contingent displayed their exceptional performances at the Paris Olympics. Each athlete delivered their best. The entire nation is proud of their achievements. https://t.co/oY6ha34wne
— Narendra Modi (@narendramodi) August 16, 2024
وزیراعظم نے ونیش پھوگاٹ کی تعریف کی
وزیراعظم نے کہا کہ ونیش پھوگاٹ نے ریسلنگ کے فائنل میں پہنچ کر تاریخ رقم کی ہے۔ انہوں نے اپنی کارکردگی سے ملک کا نام روشن کیا ہے۔ اس دوران وزیراعظم نے تمغہ جیتنے والے دیگر کھلاڑیوں کی بھی تعریف کی اور یہ بھی کہا کہ جو کھلاڑی اس اولمپکس میں تمغے نہیں جیت سکے انہیں مایوس ہونے کی ضرورت نہیں ہے۔ آپ کی محنت کو دیکھتے ہوئے میں یہ کہہ سکتا ہوں کہ آپ کو جلد ہی کامیابی ملے گی۔
کھلاڑیوں سے ملاقات کے دوران پی ایم نے کھیلوں کے تئیں کھلاڑیوں کے جذبہ کی بھی تعریف کی۔ پی ایم مودی نے اس دوران کئی کھلاڑیوں سے بھی بات کی۔ پی ایم مودی اولمپک ولیج میں اے سی نہ ہونے کے بارے میں بھی بات کی اور کہا کہ اس مسائل کو بھی چند گھنٹوں میں ہی ختم کردیا گیا۔
اس کے بعد پی ایم مودی نے کہا، 'دنیا بھارت کے کھلاڑیوں کی تعریف کر رہی ہے۔ ان کی ہمت اور نظم و ضبط کی بہت تعریف کی جا رہی ہے۔ آپ سب اور پوری ٹیم مبارکباد کی مستحق ہے۔ آپ سب نے بھارت کے ترنگے کی شان میں اضافہ کیا ہے۔ میں اسے اپنے لیے اعزاز سمجھتا ہوں کہ آپ کو خوش آمدید کہنے کا موقع ملا۔
منو بھاکر، امن سہراوت اور نیرج کی تعریفیں
وزیراعظم نے یہ بھی کہا کہ پیرس اولمپکس کئی لحاظ سے بھارت کے لیے تاریخی رہا ہے۔ اس اولمپکس میں آپ نے جو ریکارڈ بنائے ہیں وہ ملک کے نوجوانوں کو متاثر کریں گے۔ اس دوران منو کی تعریف کرتے ہوئے پی ایم نے کہا کہ منو پہلی بیٹی ہے جس نے ایک ہی اولمپکس میں دو تمغے جیتے ہیں۔ نیرج وہ ایتھلیٹ ہیں جنہوں نے اسی مقابلے میں سونے اور چاندی کا تمغہ جیتا ہے۔ امن نے صرف 21 سال میں تمغہ جیت کر سب سے بڑا کارنامہ انجام دیا ہے۔ ونیش کا ریسلنگ فائنل میں پہنچنے والی پہلی ہندوستانی بننا ہمارے لیے فخر کی بات ہے۔
واضح رہے کہ پیرس اولمپکس میں بھارت کی جانب سے 117 کھلاڑیوں نے شرکت کی تھی جس میں سے چھ ایونٹ میں بھارت کو میڈل حاصل کرنے میں کامیابی ملی جو کی ٹوکیو اولمپکس سے کم ہے کیونکہ ٹوکیو میں بھارت نے گولڈ میڈل سمیت کو کل سات تمغے جیتے تھے۔ قابل ذکر ہے کہ اس میٹنگ میں نیرج چوپڑا، پی وی سندھو اور ونیش پھوگاٹ موجود نہیں تھیں۔
