نئی دہلی: وزیراعظم نریندر مودی نے 15 اگست کو 78ویں یوم آزادی کے موقع پر قوم سے خطاب میں 2036 کے اولمپک گیمز کی میزبانی کے لیے بھارت کی مضبوط کوششوں کا اعادہ کیا اور کہا ہے کہ ملک میں کھیلوں کے سب سے بڑے ایونٹ کی میزبانی کے لیے تیاری بھی شروع کردی گئی ہے۔ قابل ذکر ہے کہ بھارت نے کبھی بھی اولمپک گیمز کی میزبانی نہیں کی ہے۔
#WATCH | PM Narendra Modi says, " today, we also have with us the youth who made the indian flag fly high in #Olympics. On behalf of 140 crore countrymen, I congratulate all our athletes and players...In the next few days, a huge contingent of India will leave for Paris to… pic.twitter.com/g9jcsip1Fk
— ANI (@ANI) August 15, 2024
لال قلعہ کی فصیل سے پی ایم مودی نے ہم وطنوں کو یقین دلایا کہ 2036 کے اولمپکس کی میزبانی کرنے کے لیے تیاریاں زور و شور سے جاری ہیں۔ وزیر اعظم نے یہ بھی کہا کہ بھارت میں جی 20 سربراہی اجلاس کے کامیاب انعقاد نے ثابت کیا ہے کہ ہمارے پاس بڑے پیمانے پر تقریبات منعقد کرنے کی صلاحیت ہے اور 2036 کے اولمپکس کی میزبانی کرنا بھارت کا خواب ہے۔
پیرس اولمپکس میں حصہ لینے والا پورا بھارتی دستہ یوم آزادی منانے کے لیے لال قلعہ پر موجود تھا۔ اس موقع پر پی ایم مودی نے پیرس اولمپکس میں ملک کا سر فخر سے بلند کرنے والے کھلاڑیوں کی تعریفوں کے پول باندھے اور انھیں مبارکباد دی۔
انہوں نے ان بھارتی دستے کے لئے بھی نیک خواہشات کا اظہار کیا جو پیرا اولمپکس 2024 میں حصہ لینے کے لیے چند دنوں میں پیرس روانہ ہوں گے۔
واضح رہے کہ فرانس کے صدر ایمینوئل میکرون نے بھی اولمپک گیمز کی میزبانی میں بھارت کی دلچسپی کی حمایت کی ہے۔ پیرس اولمپکس کے اختتام کے بعد جیو سنیما سے بات کرتے ہوئے میکرون نے کہا کہ بھارت میں اولمپک گیمز جیسے بڑے ایونٹ کی میزبانی کرنے کی صلاحیت ہے۔
