پیرس: دیپیکا کماری، انکیتا بکات اور بھجن کور پر مشتمل بھارتی خواتین کی تیر اندازی ٹیم نے پیرس اولمپکس کے تیر اندازی ٹیم ایونٹ کے رینکنگ ایونٹ کے ذریعے کوارٹر فائنل میں براہ راست داخلہ حاصل کر لیا ہے۔
تینوں نے ایونٹ میں چوتھی رینک حاصل کیا اور جنوبی کوریا (2046 پوائنٹس)، چین (1996 پوائنٹس) اور میکسیکو (1986 پوائنٹس) سے پیچھے رہے۔ بھارتی تیرانداز ٹیم نے ایونٹ میں 1983 پوائنٹس حاصل کئے۔
The Indian Women's #Archery team comprising Bhajan Kaur, Deepika Kumari and Ankita Bhakat finish 4th in the team ranking round at #paris2024olympics.
— SAI Media (@Media_SAI) July 25, 2024
Off to the quarterfinals tomorrow! 🏹
Many congratulations to them. Let's #Cheer4Bharat👏🏻🥳 pic.twitter.com/afSeWP55EG
جنوبی کوریا کی ٹیم نے 2046 پوائنٹس حاصل کرکے نیا اولمپک ریکارڈ بنا دیا، جس نے جاپان میں منعقدہ گزشتہ سمر گیمز میں ان کے ہی ملک کے 2032 پوائنٹس کا سابقہ ریکارڈ توڑ دیا ہے۔
اس کے علاوہ انکیتا نے انفرادی مقابلوں میں 666 پوائنٹس حاصل کیے جبکہ بھجن اور دیپیکا نے بالترتیب 659 اور 658 پوائنٹس حاصل کیے۔
پیرس اولمپکس میں تیر اندازی کے مقابلوں کے فائنل راؤنڈز 28 جولائی سے 4 اگست تک ہوں گے۔ جہاں بھارت کا مقابلہ فرانس یا ہالینڈ سے ہو گا، وہ ٹیم جو راؤنڈ آف 16 مرحلے میں کامیابی حاصل کرے گی۔
تیر اندازی میں ہی مردوں کے انفرادی اور ٹیم کا راؤنڈ شام 5:45 بجے کھیلا جائے گا۔ بھارت کی مردوں کی تیر اندازی ٹیم میں دھیرج بومادیورا، تروندیپ رائے اور پروین جادھو تیر انداز شامل ہیں۔
