پیرس: ساتوِک سائراج اور چراغ شیٹی کی اسٹار بھارتی شٹلر جوڑی ہفتہ سے شروع ہونے والے مردوں کے ڈبلز بیڈمنٹن مقابلے میں طلائی تمغے کے مضبوط دعویدار کے طور پر اولمپکس کا آغاز کرے گی، جبکہ پی وی سندھو لگاتار تیسری مرتبہ تمغہ جیت کر بھارتی کھیلوں میں نئی تاریخ رقم کرنے کی کوشش کریں گی۔
پی وی سندھو نے پچھلے دو اولمپکس میں چاندی اور کانسی کے تمغے جیتے تھے اور پیرس میں اس کو برقرار رکھنے کے لیے شاندار کھیل کا مظاہرہ کرنا ہوگا۔ جہاں تک ساتوک اور چراغ کا تعلق ہے تو انہوں نے اس سال فرنچ اوپن میں مینز ڈبلز ٹائٹل جیتا تھا۔
ایچ ایس پرنائے
مردوں کے سنگلز میں ایچ ایس پرنائے اور لکشیا بھی پہلی دفعہ اولمپک گیمز میں اپنا چیلنج پیش کریں گے۔ دونوں نے سے بھی میڈل کی کافی امیدیں وابستہ ہیں۔ لیکن ان دونوں میں سے صرف ایک ہی تمغہ جیت سکتا ہے کیونکہ گروپ مرحلے سے آگے بڑھنے کے بعد یہ دونوں کھلاڑی پری کوارٹر فائنل میں آمنے سامنے ہوں سکتے ہیں۔
اولمپکس سے پہلے بھارت کے سنگلز کھلاڑیوں کی کارکردگی کافی اچھی نہیں رہی ہے لیکن مردوں کے ڈبلز میں ساتوک اور چراغ نے شاندار کارکردگی کا مظاہرہ کیا ہے۔ اس سال وہ چار مقابلوں کے فائنل میں پہنچے تھے جس میں سے انھوں نے دو ٹائٹل پر قبضہ کیا ہے۔
Checkout First Group Stage Fixtures of Our Shuttlers at #Paris2024 🔥🏸
— BAI Media (@BAI_Media) July 25, 2024
📸: @badmintonphoto#IndiaAtParis24#Cheer4Bharat#IndiaontheRise#Badminton pic.twitter.com/n8qVQ7FxpO
ساتوک اور چراغ
ساتوک اور چراغ کو گروپ سی میں آل انگلینڈ کے موجودہ چیمپئن فجر الفیان اور انڈونیشیا کے محمد ریان آرڈینٹو، جرمنی کے مارک لیمسفس اور مارون سیڈل اور فرانس کے لوکاس کوروی اور رونن لیبار کے ساتھ فکسچر میں رکھا گیا ہے۔
پی وی سندھو
اولمپک سے قبل سندھو کی فارم اچھی نہیں رہی لیکن انہوں نے پرکاش پڈوکون کی نگرانی میں گزشتہ چند ماہ سے سخت مشق کی ہے اور اولمپک تمغوں کی ہیٹ ٹرک مکمل کرنے کے لیے پرعزم ہیں۔ گروپ مرحلے میں ان کا مقابلہ عالمی نمبر 75 ایسٹونیا کی کرسٹن کوبا اور عالمی نمبر 111 مالدیپ کی فاطمہ رزاق سے ہوگا۔ ناک آؤٹ مرحلے میں سندھو کا مقابلہ دو چینی کھلاڑیوں- ہی بِنگ جیاؤ اور اولمپک چیمپئن چن یو فی میں سے کسی سے ہو سکتا ہے۔
Here are the 🔝 1️⃣3️⃣ women's singles seeds for the #Paris2024 #Olympics. pic.twitter.com/3hPU74mPrK
— BWF (@bwfmedia) July 21, 2024
لکشیا سین
مینز سنگلز میں لکشیا سین اپنے گروپ میں انڈونیشیا کے تھرڈ سیڈ جوناتھن کرسٹی سے مد مقابل ہوں گے۔ لکشیا کو ناک آؤٹ مرحلے میں پہنچنے کے لیے کیون کارڈن اور بیلجیئم کے جولین کیراگھی کو بھی شکست دینی ہوگی۔
اشونی پونپا
اشونی پونپا کے لیے یہ آخری اولمپک ہو سکتا ہے۔ وہ خواتین کے ڈبلز میں تنیشا کرسٹو کے ساتھ بھارتی چیلنج پیش کریں گی۔ اشونی اور تنیشا کو جاپان کی چوتھی سیڈ جوڑی چیہارو شیدا اور نامی ماتسویاما اور جنوبی کوریا کی کم سو ییونگ اور کانگ ہی یونگ کے ساتھ گروپ سی میں رکھا گیا ہے، جو انہیں سخت چیلنج دے سکتی ہیں۔ سیٹیانا ماپاسا اور آسٹریلیا کی انجیلا یو بھی اسی گروپ میں شامل ہیں۔
