پیرس: پیرس اولمپکس خواتین کی کیٹیگری باکسنگ ایونٹ میں گولڈ میڈل جیتنے والی الجزائر کی باکسر ایمان خلیف نے پیرس اولمپکس کے دوران اپنے جنسی تعلقات کے بارے میں جھوٹے دعوؤں پر شدید تنقید کا سامنا کرنے کے بعد فرانس میں آن لائن ہراساں کیے جانے کی قانونی شکایت درج کرائی ہے،
ایمان کے وکیل نے بتایا کہ الجزائر کی خاتون باکسر کو پیرس گیمز میں حصہ لینے کی اہلیت کے حوالے سے کافی تنقید کا سامنا کرنا پڑا جب ان کی اطالوی حریف انجیلا کیرینی نے پری کوارٹر فائنل مقابلے میں محض 46 سیکنڈز میں دستبرداری اختیار کرلی۔
وکیل نے مزید کہا کہ شکایت جمعہ کو پیرس کے پراسیکیوٹر کے دفتر میں ایک خصوصی یونٹ کے سامنے آن لائن نفرت انگیز پوسٹ کے بارے میں درج کرائی گئی تھی۔ جس میں الزام لگایا گیا تھا کہ ایمان خلیف کو آن لائن ہراساں کیا جا رہا ہیں اور یہ باکسر کے خلاف بدانتظامی، نسل پرستانہ اور جنس پرست مہم ہے۔ لیکن شکایت میں کسی مبینہ مجرم کا نام نہیں ظاہر کیا گیا۔ اس لیے اب یہ سب استغاثہ پر منحصر ہے کہ وہ اس معاملے کی تحقیقات کریں یا نہیں۔
واضح رہے کہ بین الاقوامی باکسنگ فیڈریشن (IBF) نے صنفی اہلیت کے امتحان میں ناکام ہونے پر ایمان خلیف کو بھارت میں منعقدہ عالمی باکسنگ چیمپئن شپ سے نااہل قرار دے دیا تھا، تاہم، انٹرنیشنل اولمپک کمیٹی (IOC) نے الجزائری باکسر کا دفاع کرتے ہوئے کہا کہ گورننگ باڈی نے 2020 کے ٹوکیو اولمپکس کے لیے اسی طرح کے رہنما اصولوں پر عمل کیا ہے اور اس نے وہاں شرکت کی تھی، اس لیے وہ یہاں بھی حصہ لے رہی ہیں، خلیف ٹوکیو اولمپکس میں اپنے کوارٹر فائنل مقابلے میں شکست کھا گئی تھیں۔
