اسلام آباد: پاکستان کرکٹ بورڈ نے بنگلادیش کے خلاف ہونے والے دو ٹیسٹ میچوں کی سیریز کے پہلے ٹیسٹ میچ کے لیے اپنی گیارہ رکنی ٹیم کا اعلان کردیا ہے۔ اس کی جانکاری پی سی بی اپنے ٹویٹر اکاونٹ پر دی ہے۔
پاکستان کی ٹیم انتظامیہ نے پہلے ٹیسٹ میچ میں تیز گیندبازوں کے ساتھ میدان میں اترنے کا فیصلہ کیا۔ کیونکہ انھوں گیارہ رکنی ٹیم میں ایک بھی اسپینر کو نہیں رکھا ہے، بلکہ ٹیم میں 4 تیز گیندباز کو شامل کیا گیا ہے۔ اس کے علاوہ پاکستانی ٹیم نے چھ بلے باوزوں کے ساتھ میدان میں اترنے کا فیصلہ کیا جب کہ وکٹ کیپنگ کے لیے محمد رضوان کو ٹیم منتخب کیا گیا ہے۔
🚨 Pakistan's playing XI for the first Test 🚨#PAKvBAN | #TestOnHai pic.twitter.com/2Q94RZStPB
— Pakistan Cricket (@TheRealPCB) August 19, 2024
قابل ذکر ہے کہ شان مسعود پہلی مرتبہ ہوم سیریز میں ٹیم کی قیادت کریں گے اور آسٹریلیا کے تز گیندباز جیسن گلیسپی پہلی بار پاکستان کرکٹ ٹیم کے کوچ ہوں گے۔ پی سی بی نے پاکستان اور بنگلہ دیش کے درمیان 30 اگست سے 3 ستمبر کے دوران کراچی میں شیڈول دوسرا ٹیسٹ میچ بھی راولپنڈی منتقل کردیا ہے۔
پہلے ٹیسٹ میچ کے لیے پاکستانی ٹیم کا اسکواڈ: شان مسعود (کپتان)، سعود شکیل (نائب کپتان)، صائم ایوب، عبداللہ شفیق، بابراعظم، سلمان علی آغا، محمد رضوان، خرم شہزاد، محمد علی، نسیم شاہ اور شاہین شاہ آفریدی ۔
