اسلام آباد: پاکستان اور بنگلہ دیش کے درمیان دو ٹیسٹ میچوں کی سیریز کا پہلا میچ راولپنڈی کرکٹ اسٹیڈیم میں کھیلا گیا۔ جہاں ٹیسٹ میچ کے آخری دن پاکستان کو بنگلہ دیش سے دس وکٹوں سے شرمناک شکست کا سامنا کرنا پڑا۔
اس میچ میں بنگلہ دیش نے پاکستان کو دس وکٹوں سے شکست دے تاریخ رقم کر دی ہے کیونکہ ٹیسٹ کرکٹ کی تاریخ میں یہ پاکستان کے خلاف بنگلہ دیش کی پہلی جیت ہے۔ اس سے قبل، بنگلہ دیش نے ریڈ بال کرکٹ میں پاکستان کے ساتھ 13 مقابلے ہیں کھیلے تھے جس میں سے 12 میچز میں پاکستان کو فتح نصیب ہوئی تھی اور ایک میچ ڈرا رہا تھا۔
راولپنڈی ٹیسٹ میچ میں پاکستان کی دوسری اننگز محض 146 رنز پر ڈھیر ہوگئی، جس کی وجہ سے بنگلہ دیش کو یہ میچ جیتنے کے لیے صرف 30 رنز کا ہی ٹارگیٹ ملا جسے وہ بغیر کوئی وکٹ کھوئے حاصل کرلیا۔
Bangladesh win the first Test by 10 wickets 🏏#PAKvBAN | #TestOnHai pic.twitter.com/436t7yBaQk
— Pakistan Cricket (@TheRealPCB) August 25, 2024
پاکستان کی جانب سے پہلی اننگز میں سنچری بنانے والے محمد رضوان نے دوسری اننگز میں بھی 51 رنز بنا کر نمایاں رہے جبکہ عبداللّٰہ شفیق 37، بابر اعظم 22 اور شان مسعود نے 14 رنز بنائے۔
وہیں بنگلادیش کی جانب سے دوسری اننگز میں مہدی حسن میراز نے 4 اور شکیب الحسن نے 3 کھلاڑیوں کو آؤٹ کیا، حسن محمود، ناہید رانا اور شریف الاسلام نے ایک ایک وکٹ حاصل کرنے میں کامیاب رہے۔
پاکستان نے پہلی اننگز میں محمد رضوان کے 171 اور شعود شکیل کے 141 رنز کی بدولت 6 وکٹ کھو کر 448 کے مجموعی اسکور پر اپنی پہلی اننگز ڈیکلیئر کر دی تھی۔ جبکہ بنگلہ دیش نے وکٹ کیپر مشفق الرحیم کی 191 رنز کی اننگز کی بدولت پہلی اننگز میں مجموعی طور پر 565 رنز بنانے میں کامیاب رہا۔ جس میں لٹن داس، مہدی حسن میراز اور مومن الحق نے نصف سنچریاں بنائیں، جس کی وجہ سے بنگلہ دیش کو پاکستان پر پہلی اننگز میں 117 رنز کی برتری حاصل ہوگئی۔
