کولمبو:سری لنکا کے ڈمبولا میں کھیلے گئے ویمنز ایشیاکپ ٹی20 کے افتتاحی میچ میں متحدہ عرب امارات نے نیپال کو جیت کے لئے 115 رنوں کا ہدف دیا۔نیپال نے چار وکٹوں کے نقصان پر مطلوبہ ہدف حاصل کرلیا۔
نیپال کی جانب سے سمجھنا کھڈکا نے 45 گیندوں پر 11 چوکوں کی مدد سے 72 رنوں کی اننگ کھیلی اور میچ کے آخر تک ناٹ آوٹ رہیں۔اس کے علاوہ روبینہ چھتری 10،سیتا راما مگر سات رن،کویتا کنور2 رن اور کپتان اندو برما 6 رن بنا کر آوٹ ہوئے۔
𝐄𝐌𝐎𝐓𝐈𝐎𝐍𝐒 𝐆𝐀𝐋𝐎𝐑𝐄 ❤️🥺
— AsianCricketCouncil (@ACCMedia1) July 19, 2024
Nepal secure their first-ever win in the Women's T20 Asia Cup history! 🇳🇵#WomensAsiaCup2024 #ACC #HerStory #UAEWvNEPW pic.twitter.com/9QHK63MhuS
متحدہ عرب امارات کی جانب سے کاوشیا تین حاصل کرکے سب سے کامیاب گیندباز ثابت ہوئیں۔اس کے علاوہ لوینا کینی کو ایک وکٹ ملا۔
نیپال کی دعوت پر پہلے بیٹنگ کرنے اتری متحدہ عرب امارات کی ٹیم مقررہ 20 اوورز میں آٹھ وکٹوں کے نقصان پر 115 رن ہی بناسکی۔یو اے ای کی جانب سے خوشی شرما نے36 رن بنا کر ٹاپ اسکورر رہیں۔
اس کے علاوہ کاویشا 22 اور سمیرا دھرنی دھرکا 13 رن بنائے۔اس کے علاوہ دیگر بلے بازخاطر خواہ اننگ کھیلنےمیں ناکام رہیں۔نیپال کی جانب سے اندو برما کو تین جبکہ شبنم رائے اور کیرتیکا کو ایک ایک وکٹ ملا۔
یہ بھی پڑھیں:ویمنز ایشیا کپ کی تاریخ پرایک نظر،جانئیے مکمل شیڈول
واضح رہے کہ اس ٹورنامنٹ میں کل 8 ٹیمیں حصہ لے رہی ہیں۔ ان 8 ٹیموں کو 2 گروپس میں رکھا گیا ہے۔ہندوستان اور پاکستان کو گروپ اے میں رکھا گیا ہے، سری لنکا اور بنگلہ دیش جیسی مضبوط ٹیموں کو گروپ بی میں رکھا گیا ہے۔ ایشیا کپ کے تمام میچز سری لنکا کے دمبولا انٹرنیشنل کرکٹ اسٹیڈیم میں کھیلے جا رہے ہیں۔
ویمنز ایشیا کپ 2024 گروپس
گروپ اے:ہندوستان، پاکستان، نیپال اور متحدہ عرب امارات
گروپ بی: سری لنکا، بنگلہ دیش، ملائیشیا اور تھائی لینڈ
