حیدرآباد: بھارت کے لیے دو اولمپک میڈل جیتنے والے نیرج چوپڑا نے ایک بار پھر بھارتی شائقین کو مایوس کیا ہے کیونکہ وہ ڈائمنڈ لیگ 2024 کا ٹائٹل جیتنے سے محروم رہے۔ بھارتی شائقین کو توقع تھی کہ وہ ٹائٹل جیت لیں گے لیکن نیرج اپنے مداحوں کی امیدوں پر پورا نہیں اتر سکے۔
دراصل نیرج چوپڑا کافی عرصے سے گروئن انجری میں مبتلا ہیں جس کی وجہ سے وہ پیرس اولمپکس میں گولڈ میڈل جیتنے میں ناکام رہے اور اب اس کا اثر ڈائمنڈ لیگ 2024 کے فائنل میں بھی نظر آیا۔ نتیجہ یہ نکلا کہ نیرج صرف اعشاریہ 1 سینٹی میٹر کے فرق سے ٹائٹل سے ہاتھ دھو بیٹھے۔
Neeraj Chopra hits 8⃣7⃣.8⃣6⃣ m and finishes second in Brussels 👏#DiamondLeagueonJioCinema #DiamondLeagueonSports18 #DiamondLeagueFinal pic.twitter.com/C8WETcMFqB
— JioCinema (@JioCinema) September 14, 2024
ڈائمنڈ لیگ کا فائنل 14 ستمبر بروز ہفتہ کی رات برسلز میں کھیلا گیا۔ اس فائنل مقابلے میں بھارت کے نیرج چوپڑا نے 87.86 میٹر کی بہترین تھرو کے ساتھ دوسرا مقام حاصل کیا۔
جبکہ گرینیڈین جیولین تھرو کھلاڑی اینڈرسن پیٹرز نے 87.87 میٹر کی بہترین تھرو کے ساتھ پہلا مقام حاصل کرنے میں کامیاب رہے۔جرمنی کے جولین ویبر نے 85.97 میٹر کی تھرو کے ساتھ تیسرے نمبر پر رہے۔
قابل ذکر ہے کہ پیرس اولمپکس میں پیٹرس کانسے کا تمغہ جیتا تھا جبکہ نیرج چوپڑا نے چاندی کا تمغہ جیتا تھا اور پاکستان کے ارشد ندیم نے گولڈ میڈیل جیت کر تاریخ رقم کی تھی، لیکن انھوں نے اس ٹورنامنٹ میں شرکت نہیں کی۔
