حیدرآباد : پیرس اولمپکس 2024 میں مردوں کے جیولین تھرو فائنل مقابلہ میں نیرج چوپڑا نے شاندار مظاہرہ کرتے ہوئے بھارت کو سلور میڈل دلانے میں کامیاب رہے۔ انہوں نے جیولین تھرو ایونٹ میں 89.45m کی سیزن کی بہترین تھرو کے ساتھ چاندی کا تمغہ جیت لیا۔ وہیں پاکستان کے ارشد ندیم نے بہتر کارکردگی کا مظاہرہ کرتے ہوئے 92.97 میٹر تک تھرو کیا اور اولمپک میں نیا ریکارڈ بناکر گولڈ میڈل اپنے نام کرلیا۔ اسی طرح گریناڈا کے اینڈرسن پیٹرز نے کانسی کا تمغہ (88.54 میٹر) حاصل کیا۔
Neeraj Chopra is excellence personified! Time and again he’s shown his brilliance. India is elated that he comes back with yet another Olympic success. Congratulations to him on winning the Silver. He will continue to motivate countless upcoming athletes to pursue their dreams… pic.twitter.com/XIjfeDDSeb
— Narendra Modi (@narendramodi) August 8, 2024
پیرس گیمز میں پاکستان کے ارشد ندیم کی جانب سے اولمپکس کا نیا ریکارڈ بنانے کے بعد بھارت کے 'گولڈن بوائے' نیرج چوپڑا کو مردوں کے جیولن تھرو مقابلے میں چاندی کے تمغے پر اکتفا کرنا پڑا۔ نیرج نے اپنے سیزن کا بہترین تھرو 89.45 میٹر ریکارڈ کیا لیکن ندیم نے 92.97 میٹر کا اولمپک ریکارڈ تھرو رجسٹر کرنے کے بعد بیک ٹو بیک گولڈ میڈل جیتنے کی نیرج کی امیدوں کو ختم کردیا۔ اپنی چھٹی اور آخری کوشش میں، بھارتی کھلاڑی نے 91.79 کا تھرو ریکارڈ کیا، جو ان کا کیریئر کا دوسرا بہترین تھرو بن گیا۔
#Silver🥈it is for Neeraj✔️ Adds another🎖️to his #Olympic collection!@Neeraj_chopra1 gets Silver at the #ParisOlympics2024 with a best throw of 89.45m.
— SAI Media (@Media_SAI) August 8, 2024
He becomes the second Indian after Norman Pritchard (1900) to win two medals in track & field.
The GOAT gave it his all to… pic.twitter.com/Ak6NqjdvW4
ٹوکیو اولمپکس 2020 کے طلائی تمغہ جیتنے والے نیرج چوپڑا کی شروعات اچھی نہیں تھی کیونکہ انہوں نے اپنی پہلی کوشش میں ہی ایک غلط تھرو کردیا۔ ارشد کے ریکارڈ تھرو کے فوراً بعد نیرج دباؤ میں نظر آئے اور ان پر لگی توقعات کے بوجھ کو وہ سنبھال نہ سکے۔ نیرج نے 89.45 میٹر کا دوسرا بہترین تھرو رجسٹر کرنے کے باوجود مایوس کن مظاہرہ کیا تاہم وہ بھارت کو سلور میڈل دلانے میں کامیاب رہے۔ تین سال قبل ٹوکیو گیمز میں طلائی تمغہ جیتنے والے نیرج نے منگل کو پیرس اولمپکس میں مردوں کے جیولین تھرو کوالیفکیشن راؤنڈ کے گروپ بی میں 89.34 میٹر کا زبردست تھرو درج کیا۔
وہیں پاکستان کے جیولین تھرور ارشد ندیم نے 92.97 میٹر تھرو پھینک کر نہ صرف گولڈ میڈل اپنے نام کیا بلکہ ساتھ ہی اولمپکس کا نیا ریکارڈ بھی بنادیا۔ جیولین تھرو کے فائنل مقابلے میں ارشد ندیم نے دوسری اٹیمپٹ میں 92.97 میٹر تھرو پھینک کر یہ ریکارڈ قائم کیا۔ واضح رہے کہ یہ 1992 کے بعد اولمپکس میں پاکستان کو ملنے والا یہ پہلا تمغہ ہے جبکہ 40 برس بعد پاکستان کو پہلا گولڈ میڈل حاصل ہوا ہے۔
