حیدرآباد: بھارتی ٹینس اسٹار ثانیہ مرزا کی ذاتی زندگی نے ان کے سابق شوہر، پاکستانی کرکٹر شعیب ملک کی اداکارہ ثنا جاوید کے ساتھ شادی کے بندھن میں بندھ جانے کے بعد سے توجہ مبذول کی ہے۔ خاص طور پر اس وقت جب سابق جوڑے نے عوامی طور پر اپنی علیحدگی کی تصدیق نہیں کی تھی۔ بعد میں ثانیہ کے اہل خانہ کی جانب سے انکشاف کیا گیا کہ انہوں نے کچھ عرصہ قبل خلع لے لیا ہے۔
علیحدگی کے بعد سے ثانیہ نے خود کو اپنے ٹینس کیریئر اور اپنے بیٹے اذہان کی پرورش کے لیے اکیلی ماں کے طور پر وقف کر دیا ہے۔ وہ انسٹاگرام پر متحرک رہتی ہیں، جہاں وہ اکثر حوصلہ افزا پوسٹس شیئر کرتی رہتی ہیں جسے ان کے مداح خوب دلچسپی سے دیکھتے ہیں اور اس پو تبصرہ کرتے ہیں۔
ایک حالیہ انسٹاگرام اسٹوری میں انہوں نے محبت اور دعا کے درمیان تعلق کو اجاگر کرتے ہوئے ایک پُرجوش پیغام کا اشتراک کیا، "محبت ایک دعا ہے اور دعا محبت ہے۔ جو آپ سے محبت کرتا ہے وہ آپ کے لیے دعا کرتا ہے اور جس نے آپ کے لیے دعا کی اس نے آپ سے محبت کا اظہار کیا ہے۔"
اپنی تازہ ترین انسٹاگرام پوسٹ میں ثانیہ نے تصاویر شیئر کی، جس میں طلاق کے بعد اپنی خوشگوار زندگی میں مگن ہونے کی پیشکش کی۔ تصاویر میں ان کے بیٹے اذہان کے ساتھ دل کو چھو لینے والے لمحات کے ساتھ ساتھ خاندان کے ساتھ گزارے گئے خوشگوار لمحات کو بھی دیکھا جا سکتا ہے
ایک حالیہ پوسٹ میں ثانیہ مرزا اور ان کے بیٹے اذہان کو آرام دہ اور پرسکون ٹینس کورٹ پر پوز دیتے ہوئے دیکھا جا سکتا ہے۔ ثانیہ کی ٹی شرٹ پر ایک پیغام لکھا ہے جو ان کی روح کو مکمل طور پر پرسکون کرتا ہے، 'مجھے احساس ہوا کہ میں ٹھیک ہو جاؤں گی۔'
