کولکاتہ: کولکاتہ، 23 مارچ (یو این آئی) آندرے رسل (64) اور رمندیپ سنگھ (35) کے علاوہ فل سالٹ (54) کی تیز اننگز کی مدد سے کولکاتہ نائٹ رائیڈرز (کے کے آر) نے ہفتہ کو یہاں انڈین پریمیئر لیگ (آئی پی ایل) 2024 ککے مقابلے میں سن رائزرز حیدرآباد (ایس آرایچ) کے خلاف سات وکٹوں پر 208 رنز بنائے۔
ایڈن گارڈن گراؤنڈ پر کے کے آر کے چار ٹاپ بلے باز 51 رنز بنانے کے بعد پویلین لوٹ چکے تھے لیکن ایک سرے پر کھڑے سالٹ نے تحمل کا مظاہرہ کرتے ہوئے نہ صرف اپنی نصف سنچری مکمل کی بلکہ رمندیپ کے ساتھ مل کر ٹیم کو مشکلات سے نکال لیا۔ رمندیپ کی اننگ کا خاتمہ پیٹ کمنز نے کیا جب کہ اگلے ہی اوور میں سالٹ بھی مارکنڈے کی گیند پر جانسن کے ہاتھوں لپکے گئے۔
بعد میں کریز پر آنے والے یوپی کے دھاکڑ بلے باز رنکو سنگھ (23) نے آندرے رسل (ناٹ آؤٹ 64) کے ساتھ مل کر تیز رفتاری سے رنز بنانا شروع کیے اور دونوں بلے بازوں نے 32 گیندوں کی شراکت میں اہم 81 رنز جوڑے۔ رنکو اننگ کے آخری اوور میں نٹراجن کا شکار بنے جب کہ رسل نے اپنے زوردار چھکوں سے اسٹیڈیم کو ہلاتے ہوئے ٹیم کا اسکور 208 رنز تک پہنچادیا۔
یہ بھی پڑھیں:
- کولکاتا کی اننگ لڑکھڑائی،66 رنوں پر چار بلے باز پویلین لوٹ گئے - Ipl 2024
- آئی پی ایل میں پنجاب کنگز کا فاتحانہ آغاز،دہلی کیپیٹلس کو چار وکٹوں سے شکست - Ipl 2024
رسل نے صرف 25 گیندوں کی اپنی اننگ میں تین چوکے اور سات چھکے لگائے۔ وہ آخر تک ناٹ آؤٹ تھے۔ ٹی نٹراجن نے تین وکٹیں لے کر حیدرآباد کا سب سے کامیاب گیندباز رہے جب کہ مینک مارکنڈے نے دو اور شہباز احمد نے ایک وکٹ حاصل کیا۔ (یو این آئی)
