کولکاتا:آئی سی سی منز ٹی 20 ورلڈ کپ کے انعقاد میں ابھی ایک ماہ وقت باقی ہے لیکن کرکٹ کے دیوانوں پر اس کا خمار سر چڑھ کر بولنے لگا ہے۔ورلڈ کپ میں شرکت کرنے والے ممالک نے اپنی اپنی ٹیموں کے اعلان کرنا شروع کر دیا ہے۔ہندوستان کے کرکٹ کے دیوانوں کو قومی کرکٹ ٹیم کے اعلان کا بے صبری سے انتظار ہے۔
اسی درمیان کولکاتا نائٹ رائڈرس کے شریک مالک شاہ رخ خان نے کہاکہ ان کی یہ ذاتی رائے ہے کہ وہ اپنی ٹیم کے مڈل آرڈر بلے باز رنکو سنگھ کو 15 رکنی اسکواڈ میں دیکھنا چائیں گے۔وہ کرکٹ کے مختصر فارمیٹ کے لئے سب فرفکیٹ کھلاڑی ہیں۔
بالی ووڈ کے بادشاہ شاہ رخ خان نے کہاکہ رنکو سنگھ ایک شاندار کھلاڑی ہے۔ہندوستانی کرکٹ ٹیم میں اس کی شمولیت یقینی ہے کیونکہ مڈل آردر میں اس کی موجودگی سے ٹیم کو بہت فائدہ ہو سکتا ہے۔انہوں نے اپنی کارکردگی میں بہترلائی ہے ۔وہ ایک محنتی کھلاڑی ہے۔میرے خیال سے ہندوستانی کرکٹ ٹیم کو اس کی ضرورت ہے۔
یہ بھی پڑھیں؛شاہ رخ کا رشبھ پنت کے نام جذباتی پیغام - IPL 2024
کنگ خان نے مزید کہاکہ ایسا نہیں کہ میں صرف رنکو سنگھ کی حمایت کر رہا ہے رواں آئی پی ایل میں دوسری فرنچائزی ٹیموں کی نمائندگی کرنے والے دیگر نوجوان کھلاڑی بھی ہندوستانی ٹیم میں جگہ بنا سکتے ہیں۔نوجوان کھلاڑی اس آئی پی ایل میں شاندار کارکردگی کا مظاہرہ کر رہے ہیں۔
