حیدرآباد: لکھنؤ سپر جائنٹس کے مالک سنجیو گوئنکا نے 28 اگست کو کولکاتہ میں ایک پریس کانفرنس کی۔ جس میں انھوں اعلان کیا کہ لکھنؤ سپر جائنٹس (ایل ایس جی) نے سابق بھارتی کرکٹر ظہیر خان کو انڈین پریمیئر لیگ (آئی پی ایل 2025) کے سیزن کے لیے اپنا مینٹور مقرر کیا ہے۔
واضح رہے کہ گوتم گمبھیر آئی پی ایل 2023 تک ایل ایس جی کے مینٹور تھے لیکن اس کے بعد وہ کولکتہ نائٹ رائیڈرز میں شامل ہوگئے تھے جس کی قیادت میں کے کے آر نے آئی پی ایل کا خطاب اپنے نام کرنے میں کامیاب رہی تھی۔ لیکن پھر گزشتہ ماہ گمبھیر کو ٹیم انڈیا کا ہیڈ کوچ مقرر کردیا گیا۔
Zaheer, Lucknow ke dil mein aap bohot pehle se ho 🇮🇳💙 pic.twitter.com/S5S3YHUSX0
— Lucknow Super Giants (@LucknowIPL) August 28, 2024
ایل ایس جی کے مالک سنجیو گوینکا کی پریس کانفرنس میں ظہیر خان بھی موجود تھے۔ ایل ایس جی نے اپنے آفیشل ٹوئیٹر اکاونٹ پر ظہیر خان کی ایک ویڈیو شیئر کرتے ہوئے لکھا کہ ظہیر، آپ لکھنئو کے دل میں بہت پہلے سے ہو۔
ایل ایس جی کے ایس اقدام سے اگلے سیزن سے پہلے ہونے والی آئی پی ایل کی میگا نیلامی میں ظہیر خان اہم کردار ادا کر سکتے ہیں۔ ظہیر خان نے ایک ویڈیو میں کہا کہ مسکرایئے کیوں کہ آپ لکھنئو میں ہیں۔
