موہالی:دہلی کیپیٹلس کے 174 رنوں کے ہدف کو پنجاب کنگز نے 19.2 اوورز میں چھ وکٹوںکے نقصان پر حاصل کرلیا۔پنجاب کنگز کی جانب سے انگلینڈ کے آل راونڈر سیم کورین نے شاندار کھیل کامظاہرہ کیا۔ انہوں نے 47 گیندوں پر چھ چوکوں اور ایک چھکے کی مدد سے 63 رنوں کی شاندار اننگ کھیلی۔اس کے علاوہ لیم لیونگسٹون 38 رن بنا کر ناٹ آوٹ ریے۔پربھاسمرن سنگھ 26 رن اور کپتان شیکھر دھون 22 رن بنائے ۔
دہلی کیپیٹلس کی جانب سے خلیل احمد اور کلدیپ یادو کو دودو جبکہ ایشانت شرما کو ایک وکٹ ملا۔ اس سے قبل پنجاب کے موہالی کے مولان میں واقع ویدیندر سنگھ انٹڑنیشنل کرکٹ اسٹیڈیم میں کھیلے جارہے آئی پی ایل 2024 کے دوسرے میچ میں پنجاب کنگز نے ٹاس جیت کر دہلی کیپیٹلس کو پہلے بیٹنگ کرنے کی دعوت دی۔
دہلی کیپیٹلس کے سلامی بلے باز ڈیوڈ وارنر اور مچل مارش نے جارحانہ انداز میں اننگ کی شزوعات کی اور تین اوورز میں ہی 30 رن بنا ڈالے۔ چوتھے اوورز میں دہلی کیپیٹلس کے 39 رنوں کے مجموعی اسکور پر تیز گیند باز ارش دیپ سنگھ نے مچل مارش کو 20 رنوں کے انفرادی اسکور پر کیچ آوٹ کرکے پویلین کی راہ دیکھائی۔ہرشل پیٹل نے ڈیوڈ وارنر کو 29 رنوں کے انفرادی اسکور پر کیچ آوٹ کرایا۔اس کے بعد کپتان رشبھ پنت13 گیندوں پر دو چوکوں کی مدد سے 18 رن بنا کر پیٹل کی گیند پر کیچ آوٹ ہوگئے۔
رکی بھول محض تین رن بنا کر ہریرت برار کی گیند پر شرما کے ہاتھوں کیچ آوٹ ہوئے۔ٹرسٹن اسٹوب بھی 5 رن بنا کر جلد پویلین لوٹ گئے۔اکثر پیٹل تھوڑی ہمت کے ساتھ بلےبازی کرنے کی کوشش کی مگر وہ بھی 21 رنوں کے انفرادی اسکور پر رن آوٹ ہوگئے۔
شائی ہوپ نے جارحانہ انداز میں بلے بازی کرتے ہوئے 25 گیندوں پر دو چوکوں اور دو چھکوں کی مدد سے 33 رن بنا کر آوٹ ہوئے۔آخر میں ابھیشیک پورل 10 گیندوں پر 4 چوکوں اور دو چھکے کی مدد سے 21 رن بنا کر ناٹ آوٹ رہے۔
دہلی کیپیٹلس کی ٹیم نے مقررہ 20 اوورز میں آٹھ وکٹوں کے نقصان پر 174 رن بنائے۔پنجاب کنگز کی جانب سے ارشدیپ سنگھ اور ہرشل پیٹل کو دو دو وکٹ ملے جبکہ کایگسو ربادا ،ہرپریت برار اور راہل چاھر کو ایک ایک وکٹ ملا۔
اس سے قبل دہلی کیپٹلس کے کپتان رشبھ پنت 16 ماہ کے طویل وقفے کے بعد مسابقتی کرکٹ میں واپسی کر رہے ہیں۔آئی پی ایل میں کچھ رنز بنا کر خود کو فٹ قرار دینا چاہتے ہیں۔
یہ بھی پڑھیں:آئی پی ایل 2024 میں چنئی سپر کنگز کا فاتحانہ آغاز - IPL 2024
وہ ہفتہ کو موہالی کے ملاں پور میں میزبانوں کے نئے ہوم گراؤنڈ پنجاب کرکٹ ایسوسی ایشن اسٹیڈیم میں پنجاب کنگز کے خلاف دہلی کی ٹیم کی قیادت کر رہے ہیں۔بی سی سی آئی سمیت ہندوستان کے کرکٹ مداحوں کی رشبھ پنت پر نظریں مرکوز ہیں۔آئی پی ایل سے قبل رشبھ پنت کو لے کر ڈھیر ساری باتیں ہوئیں ہیں۔
